Túrkistan oblysy ákiminiń arnaiy tapsyrmasyna sáikes, halyqqa mádeni, rýhani, dini turǵyda túsindirý jumystaryn júrgizý maqsatynda oblys aýmaǵy boiynsha uiymdastyrylyp jatqan «Dástúrli qundylyqtar kerýeni» taqyrybyndaǵy kóshpeli jiyn Keles aýdanynda ótti, dep habarlaidy "Ult aqparat" Keles aýdany ákiminiń baspasóz qyzmetine silteme jasap.
Kóshpeli kerýenniń maqsaty – Túrkistan oblysy turǵyndarynyń mádeni jáne rýhani sezimderin qalyptastyrý, destrýktivti dini aǵym jaqtastaryn qazaqstandyq qoǵam qundylyqtaryna beiimdeý, sonymen qatar, memleket pen din ara qatynasyndaǵy zaiyrlylyq ustanymy boiynsha halyqty aqparattandyrý bolyp tabylady. Jiynǵa Túrkistan oblysy din isteri basqarmasy, «Din máselelerin zertteý ortalyǵy» mekemesi direktorynyń orynbasary Bespaev Mádi Ábzelbekuly, oblystyq mádeniet jáne tilderdi damytý basqarmasy, Halyq shyǵarmashylyǵy ortalyǵynyń bólim basshysy Mamythanova Sholpan Qurmanǵazyqyzy keldi.
Jiyndy Keles aýdanynyń ákimi Aqmentai Esbaev ashyp, júrgizip otyrdy. «Dástúrli qundylyqtar kerýenin» sharaǵa qatysqan aýdan turǵyndary da qoldap, óz oilaryn ortaǵa saldy.
