QR Úkimetiniń qaýlysyna sáikes 2020 jylǵy «Daryn» memlekettik jastar syilyǵynyń iegerleri anyqtaldy, dep habarlaidy "Ult aqparat".
Atalǵan syilyq jemisti ǵylymi, shyǵarmashylyq, qoǵamdyq qyzmeti men joǵary sporttyq jetistikteri úshin beriledi.
«Estrada» nominatsiiasy boiynsha syilyq T.Q. Júrgenov atyndaǵy Qazaq ulttyq óner akademiiasynyń stýdentteri Dáriia Ońalǵazyqyzy Bolsanbek jáne Beksultan Talǵatuly Kenishqalievke berildi.
«Klassikalyq mýzyka» atalymynda Qazaq ulttyq óner ýniversitetiniń oqytýshysy Qalqaman Baǵdatuly Dúisembaev jáne atalǵan ýniversitet stýdenti Jibek Qanatqyzy Músirǵalieva úzdik dep tanyldy.
«Halyq shyǵarmashylyǵy» nominatsiiasy boiynsha QR Mádeniet jáne sport ministrliginiń «Qazaqkontsert» memlekettik kontserttik uiymy» RMK solisi Muqiiat Asqar jáne Qyzylorda oblystyq filarmoniiasy KMK ártisi Kúnsulý Túrikpenqyzy Túrikpen marapattaldy.
«Ádebiet» nominatsiiasy boiynsha «Ádebiet portaly» internet jobasynyń qyzmetkeri Arman Manarbekuly Sherizatov ozyp shyqty.
«Teatr jáne kino» nominatsiiasy boiynsha Q. Qýanyshbaev atyndaǵy Memlekettik akademiialyq qazaq mýzykalyq drama teatrynyń akteri Ábilmansur Ábdinasyruly Serikov jáne Hadisha Bókeeva atyndaǵy oblystyq qazaq drama teatrynyń akteri Jasqairat Sábituly Valiýlliev jeńimpaz atandy.
«Sport» atalymynda QR Ulttyq Olimpiada komitetiniń fristail boiynsha nusqaýshy-sportshysy Iýliia Evgenevna Galysheva jáne jeńil atletika jáne paýerlifting boiynsha paralimpiadalyq sportshy, «TSG contruction» JShS óndiristik-tehnikalyq bólimi injeneriniń kómekshisi Jiger Málikuly Kenjeǵaliev júlde aldy.
«Dizain jáne beineleý óneri» nominatsiiasy boiynsha zerger, Qazaqstan qolónershiler odaǵynyń múshesi Ardaq Otanǵaliuly Ábishev jáne «Zeken Moda» JShS bas dizaineri Aqbota Joldasbekqyzy Toqtasynova marapattaldy.
«Jýrnalistika» nominatsiiasy boiynsha «Habar» agenttigi» AQ «Habar 24» telearnasynyń jýrnalisi Raýan Eruzaquly Myńbaev jáne «Qazaqstan» respýblikalyq teleradiokorporatsiiasy» AQ Mańǵystaý oblystyq filialynyń jetekshi redaktory Ásem Baqytqyzy Sartbaeva top jardy.
«Qoǵamdyq qyzmet» nominatsiiasy boiynsha Qazaqstan halqy Assambleiasy «Jańǵyrý joly» respýblikalyq jastar qozǵalysynyń tóraǵasy Spotkai Maksim Aleksandrovich jáne «Qazaqstan jastarynyń kongresi» qaýymdastyǵy ZTB atqarýshy direktory Toqtar Kommýnaruly Bolysov marapat aldy.
«Ǵylym» nominatsiiasy júldesin QR Bilim jáne ǵylym ministrligi «M.Á. Aitqojin atyndaǵy Molekýliarlyq biologiia jáne biohimiia institýty» ShJQ RMK ǵylymi qyzmetkeri Júsipbek Erkinuly Muqataev jáne «Nazarbaev Ýniversiteti» derbes bilim berý uiymynyń doktoranty Ásem Nurjanqyzy Áshimova ielendi.
