Almaty oblysynda tártip saqshylary «Dármek» respýblikalyq jedel aldyn alý is-sharasynyń qorytyndylady, dep habarlaidy «Ult aqparat» Almaty oblystyq politsiia departamentiniń baspasóz qyzmetine silteme jasap.
Maqsaty esirtkiniń zańsyz ainalymy salasyndaǵy quqyq buzýshylyqtardy anyqtaý bolyp tabylatyn «Dármek» jedel aldyn alý is - sharasyn júrgizý kezeńinde aǵymdaǵy jyldyń 9-12 qyrkúiegi aralyǵynda Almaty oblysy PD EQKB qyzmetkerleri esirtki buzýshylyqtarynyń 13 faktisin anyqtady. Atap aitsaq, onyń ishinde úsh fakt esirtki zattaryn ótkizý, esirtki jasaǵandary úshin jaýapkershilik QR QK 297-baby boiynsha kózdelgen, taǵy úsh derek QR QK 300-baby boiynsha quramynda esirtki zattary bar ósimdikterdi ósirý boiynsha, bir derek QR QK 299-baby boiynsha esirtki quraldaryn nasihattaý jáne zańsyz jarnamalaý QR QK 303, QR QK 296-b. 1,2,3-B. kózdelgen 3 esirtki qylmysy boiynsha tirkelip otyr.
Sonymen qatar, zańsyz ainalymnan politseiler 109 kg. 349 gramm túrli esirtki zattaryn tárkiledi. Jedel aldyn alý is-sharasy aiasynda tártip saqshylary alty nysandy, onyń ishinde 5 meditsinalyq jáne bir ónerkásiptik nysandy tekserdi.
Quqyq qorǵaý organdary úsh obektide esirtki jáne psihotroptyq zattarmen jumys isteý erejeleriniń buzylýyn, atap aitqanda, quramynda ártúrli esirtki bar dárilerdi saqtaý erejeleriniń buzylýyn jáne jetispeýshilikti anyqtady. Tártip saqshylary barlyq azamattardan esirtki men esirtkige táýeldi adamdarǵa qatysty barlyq belgili faktiler týraly 102-arna arqyly nemese turǵylyqty jeri nemese qylmys anyqtalǵan aýmaqtyq politsiia bólimderine habarlaýdy suraidy.
Eske sala ketsek, buǵan deiin Almaty oblysynda baqshasynda «qarasora» ósirgen kúdikti ustalǵan bolatyn. Almaty oblysynyń aýmaǵynda «Dármek» jedel aldyn alý is-sharasy aiasynda 6 qyrkúiekte Almaty oblysy PD EQKB qyzmetkerleri Kóksý APB qyzmetkerlerimen birlesip, Kóksý aýdanynda Balpyq bi kentiniń 53 jastaǵy turǵyny quramynda esirtki zattary bar, ósirýge tyiym salynǵan ósimdikterdi zańsyz ósirýmen ainalysatyny týraly jedel aqparatty tekserý kezinde, jeke úige baryp, baqshasynda qyryqqabat pen júgeriniń janynda quramynda esirtki zaty bar ósirýge tyiym salynǵan ósimdiktiń otyrǵyzylǵanyń anyqtaǵan.
Balpyq bi kentiniń 53 jastaǵy turǵynynyń Kóksý aýmaǵynda quramynda esirtki zattary bar ósirýge tyiym salynǵan ósimdikterdi zańsyz ósirýmen ainalysatyny týraly jedel aqparatty tekserý kezinde jeke úige bardy, onda baqshada qyryqqabat pen júgeriniń janynda quramynda esirtki zaty bar ósimdikterdi ósirýge tyiym salynǵan ósimdik otyrǵyzyldy.
Óz kinásin moiyndap, ustalǵan er adam jeke paidalaný úshin «qarasora» ósirgenin túsindirdi. Alynǵan ósimdikterdiń jalpy sany 25 butany qurady, salmaǵy 2 kg, 940 gramm. Saraptama ósimdiktiń quramynda esirtki zaty bar tyiym salynǵan ósimdik túrine jatatynyń rastady.
