Foto: Gov.kz.
Túrkistan oblysynyń aýdan, qalalaryn 2030 jylǵa deiingi damý strategiiasyn bekitý jumystary jalǵasýda. Búgin Jetisai aýdanynyń damý jospary pysyqtaldy. Aýdannyń basymdyqtary men máseleleri ashyq aitylyp, tiisti tapsyrmalar berildi, dep habarlaidy Ult.kz.
Túrkistan oblysynyń ákimi Darhan Satybaldy aýdan basshysyna óndiris oryndaryn ashý, sý únemdeý tehnologiialaryn engizý, aýyl sharýashylyǵyn damytý, óńdeý ónerkásibin jandandyrý jóninde tapsyrmalar berdi.
– Aýdannyń áleýeti joǵary bolǵanymen kórsetkishter oidaǵydai emes. Tutas komanda judyryqtai jumylyp, júieli jumys atqarýy kerek. Elge naqty jobalar, óndiris oryndary qajet. Sýarmaly jerdi tolyq igerý, sý únemdeý tehnologiialaryn engizý baǵytyn kúsheitińizder. Aýdanǵa tiisti qoldaý kórsetilýde. Sony tiimdi paidalanyńyzdar. Aýyl sharýashylyǵyn ártaraptandyryp, tereń óńdeýge basymdyq berilsin. Izdenińizder, nátije kórsetińizder, – dedi Darhan Satybaldy.
Jetisai aýdanynyń ákimi Serik Mamytovtyń aitýynsha, aýdandy damytý úshin negizinen aýyl sharýashylyǵy, saýda, ónerkásip jáne qurylys salasy baǵyttaryna basymdyq berilip otyr. Ol úshin investitsiia tartý, jańa tehnologiialardy endire otyryp, ónimdilikti arttyrý, jumyssyzdyq deńgeiin tómendetý boiynsha jumystar jandanbaq.
Aýdanda biylǵy 9 aida jalpy óńirlik ónim kólemi 112,5 mlrd. teńgeni qurap, ótken jyldyń tiisti kezeńimen salystyrǵanda 10,2 paiyzǵa artyp otyr.
Ázirlengen damý strategiiasynda barlyq kórsetkishti jaqsartý kózdelgen. Jalpy óńirlik ónim kólemin 2030 jylǵa deiin 2,3 ese ósirip, 387 mlrd. teńgege jetkizý kózdelgen. Onyń ishinde ónerkásip ónim kólemin 19,3 mlrd. teńgeden 38,5 mlrd. teńgege deiin, qurylys kólemin 10,4 mlrd. teńgeden 14,8 mlrd. teńgege deiin, aýyl sharýashylyǵy ónimi kólemin 249,1 mlrd teńgege deiin jetkizý josparlanyp otyr. Nátijesinde 2030 jylǵa deiin ónerkásip 2 ese, óńdeý ónerkásibi 2 ese, qurylys kólemi 1,4 ese, saýda 2,3 ese, aýyl sharýashylyǵy ónimi kólemi 2,4 ese artpaq.
Aýdanǵa sońǵy 5 jylda 90,2 mlrd. tenge investitsiia tartylsa, 2024-2030 jyldar aralyǵynda quny 115,2 mlrd. teńge bolatyn 69 jobany iske asyryp, 4 683 adamdy jumyspen qamtamasyz etý josparlanýda. Nátijesinde salyq túsimi artyp qana qoimai, negizgi kapitalǵa tartylatyn investitsiia kólemi 3,8 ese ósedi. Ónerkásip salasynda quny 63,2 mlrd. teńge bolatyn 20 joba iske asyp, 2706 adam jumyspen qamtamasyz etilip, biýdjetke 1 mlrd. 260 mln. teńge salyqtyq túsimder túsedi dep mejelengen. Aýdanda 50 gektar jer aýmaǵyna «Jetisai» indýstrialdy aimaǵyn ashý josparlanýda. Qazirgi tańda jer telimderin memlekettiń menshigine qaitarý jumystary júrip jatyr.
