Túrkistandaǵy qurylysy júrip jatqan nysandar óz ýaqytynda el igiligine berilýge tiis. Oblys ákimi Darhan Satybaldy Túrkistan qalasyndaǵy birqatar qurylys nysanyn aralap, jumys barysyn kórdi. Jai-kúiin baǵdarlady. Keibir merdigerlerge syn-eskertpesin aitsa, jaýapty basshylarǵa árbir jobaǵa muqiiat bolýdy tapsyrdy.
Óńir basshysy Túrkistan qalasyndaǵy ákimshilik-iskerlik ortalyǵynan káriz tazartý qurylǵysyna deiingi magistraldyq káriz kollektorynyń qurylys alańynda boldy. Qurylysta erekshe tehnologiia paidalanýda. Zamanaýi ortalyqtyń qurylys jumystary keler jyly aiaqtalmaq. Magistraldi kárizdik temirbetondy qubyrlardy ornatý úshin transheialar qazý jumystarynyń kólemi – 8340 metr. Qazir stantsiia qazandyǵyn qazý, jerasty aǵyn sýlaryn tómendetý jáne ózge de jumystar júrip jatyr.
«Qarjysy bólinip, merdigeri anyqtalǵan nysandardyń qurylysynda eshqandai keshigý, kemshilik bolmaýy tiis. Memlekettiń qarajatyń tiimdi jumsaý asa mańyzdy. Sapanyń turaqty baqylaýda bolýyn araniy mekeme basshylary únemi qadaǵalaýda ustaýǵa tiis», – dedi Darhan Satybaldy.
Qurylys nysandaryn kórgen Darhan Satybaldy jaýaptylarǵa jumysqa qajetti qarjylyq máselelerdi zerdelep, tolyq sheshý, ǵimarattardy ýaqtyly tapsyrý jóninde tapsyrma berdi.
