Biýdjet qarjysy tiimdi igerilýge tiis. Másele qatań baqylaýda. Túrkistan oblysynyń ákimi Darhan Satybaldy biýdjet qarjysyn tiimdi paidalaný jáne igerilmei qalǵan aqshanyń jai-japsary jaily jiyn ótkizdi. Ákim biýdjetti igerý jumysyn laiyqty atqarmaǵany úshin jaýapty basshylardyń jazalanatynyn qatań eskertti.
Oblys ákiminiń tapsyrmasyna sáikes, biylǵy jyldyń 20 jeltoqsanyna deiin respýblikalyq jáne oblystyq biýdjetten bólingen qarjylardyń igerilýi men túsimderdiń tolyq oryndalýyn qamtamasyz etý tapsyrylǵan bolatyn.
Oblys biýdjetine túsetin ózindik kirister 163 mlrd. teńgeden asady. Jyldyń qorytyndysymen kirister jospary barlyq aýdan, qalalarda 100%-ǵa oryndalady dep kútilýde. Jyldyń aiaqtalýyna sanaýly kúnder qalǵanyn eskere otyryp, túsimderdiń oryndalýyna jaýapty ýákiletti organdar men aýdan, qala ákimdikteri tiisti sharalar qabyldap, mejelengen jospardyń oryndalýyn qamtamasyz etý kerek. Bul týraly Túrkistan oblysy qarjy jáne memlekettik aktivter basqarmasynyń basshysy Abdrahman Tasybaev málim etti.
Oblys basshysy biýdjetti sapaly atqarý maqsatynda aýdan, qala ákimderi men oblystyq biýdjettik baǵdarlamalar ákimshilerine biýdjette qaralǵan barlyq qarajatty, onyń ishinde respýblikalyq jáne oblystyq biýdjetten bólingen nysanaly transfertterdi ýaqtyly ári tiimdi igerilýin tapsyrdy.
