Darhan Myńbai Qazaqstan halqy Assambleiasy Tóraǵasynyń orynbasary qyzmetine taǵaiyndaldy.
"Memleket basshysynyń Ókimimen Darhan Qamzabekuly Myńbai Qazaqstan halqy Assambleiasy Tóraǵasynyń orynbasary, Qazaqstan Respýblikasy Prezidenti Ákimshiliginiń Qazaqstan halqy Assambleiasy hatshylyǵynyń meńgerýshisi qyzmetine taǵaiyndaldy, ol Qazaqstan Respýblikasynyń Ulttyq murajaiynyń direktory qyzmetinen bosatyldy" delingen Aqordanyń resmi saitynda.
Darhan Qamzabekuly Myńbai 1962 jyly 26 qańtarda Ońtústik Qazaqstan oblysynda dúinege kelgen. 1985 jyly M.V.Lomonosov atyndaǵy Máskeý memlekettik ýniversitetin támamdaǵan, jýrnalist.
1985-1990 jyldary KSR Ministrler Keńesi janyndaǵy Aqparattyq agenttiktiń (QazTAG) redaktory, aǵa redaktory, aǵa ádebi baqylaýshy redaktory. 1990-1994 jyldary Qazaqstan Respýblikasy Joǵarǵy Keńesiniń apparatynda aǵa konsýltant, aǵa referent. 1994-1996 jyldary «Órken-Gorizont» respýblikalyq gazetteriniń bas redaktory. 1996-1997 jyldary «Qazaqstannyń televideniesi men radiosy» respýblikalyq korporatsiiasynyń vitse-prezidenti. 1997-2002 jyldary Ońtústik Qazaqstan oblysy ákiminiń orynbasary. 2002-2004 jyldary Ońtústik Qazaqstan oblysy Ishki saiasat jáne jastar isi jónindegi departamentiniń bastyǵy. 2004-2006 jyldary Ońtústik Qazaqstan oblysyndaǵy Túlkibas aýdanynyń ákimi. 2006-2008 jyldary Ońtústik Qazaqstan oblysy ákiminiń orynbasary. 2008 jylǵy sáýirden 2008 jylǵy qarashaǵa deiin Qazaqstan Respýblikasy mádeniet jáne aqparat vitse-ministri. 2008 jylǵy qarashada Qazaqstan Respýblikasy Prezidenti Ákimshiligi Ishki saiasat bóliminiń meńgerýshisi. 2012 jyldyń qańtar aiynda Qazaqstan Respýblikasynyń Mádeniet jáne aqparat ministri. 2013 jyldan bastap QR Ulttyq murajaiynyń direktory.
