Parlament Májilisiniń depýtaty Darhan Myńbai Qordaidaǵy oqiǵaǵa bailanysty pikir bildirdi, dep habarlaidy "Ult aqparat".
«Menińshe, bul oqiǵanyń baǵasy Prezident aitqandai «negizgi sebep anyqtalǵannan keiin» beriledi. Bul jerde biz halyqtyń jeke sanatynyń tarapynan quqyqtyq nigilizmdi ári Qordai ishki ister bólimindegi politsiia qyzmetkerleriniń álsiz daiyndyǵyn kórip otyrmyz. Eger olar kásibi túrde áreket etkende oqiǵanyń saldary munshama aýyr bolmas edi. Olar quqyqbuzýshynyń baǵynbai, kórsetken qarsylyǵynyń jolyn keser edi. Meniń oiymsha, Ishki ister ministrligi tiisti qorytyndy shyǵarýy kerek», - dedi Darhan Myńbai.
Buǵan deiin Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles bolǵanyn habarlaǵan bolatynbyz.
Kóp ýaqyt ótpei Prezident Qasym-Jomart Toqaev Jambyl oblysy Qordai aýdanynda bolǵan jappai tóbeleske qatysty pikir bildirdi.
«Jambyl oblysy Qordai aýdanynda buzaqylyq sipattaǵy jappai tóbeles boldy. Ony arandatýshylar óz paidasyna qoldanbaq bolǵan. Politsiia jaǵdaidy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady», dep jazdy Qasym-Jomart Toqaev Twitter-degi paraqshasynda.
Al búgin Memleket basshysy Jambyl oblysyndaǵy oqiǵaǵa bailanysty málimdeme jasady.
