Foto: gov.kz
Darhan Qydyráli Cenat depýtaty bolyp taǵaiyndaldy, dep habarlaidy "Ult aqparat" Aqordanyń resmi saityna silteme jasap.
"Memleket basshysynyń Jarlyǵymen Darhan Qýandyquly Qydyráli Qazaqstan Respýblikasy Parlamenti Senatynyń depýtaty bolyp taǵaiyndaldy", - dep jazylǵan habarlamada.
Bul rette, Memleket basshysynyń taǵy bir Jarlyǵymen Qazaqstan Respýblikasy Parlamenti Senatynyń depýtaty Asqar Orazalyuly Shákirovtiń ókilettigi toqtatyldy.
Darhan Qydyráli 1974 jyly 16 sáýirde Túrkistan oblysy Túlkibas aýdanynda dúniege kelgen.
Ál-Farabi atyndaǵy QazUÝ-da (1991-1992 j) jáne Túrkiianyń Marmara (1992-1996 j), Dokýz Eilúl (1996-1997), Egei (1997-1998 j), Ystambul (1998-2001 j) ýniversitetterinde bilim alǵan. Egei ýniversitetinde dissertatsiia qorǵaǵan (1998). Ystambul ýniversitetinde doktorlyq dissertatsiia qorǵap, «filosofiia doktory» ǵylymi dárejesin ielengen (2001 j.). Abai atyndaǵy QazUPÝ-da doktorlyq dissertatsiia qorǵap, tarih ǵylymdarynyń doktory atanǵan (2010 j).
2001-2005 jyldary – Q.A.Iasaýi atyndaǵy Halyqaralyq qazaq-túrik ýniversitetinde aǵa ǵylymi qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymi qyzmetker.
2005-2006 jyldary – L.N.Gýmilev atyndaǵy Eýraziia ulttyq ýniversitetinde dotsent, aǵa ǵylymi qyzmetker.
2006-2007 jyldary – Qazaqstan Respýblikasy Prezidenttik mádeniet ortalyǵynda direktordyń orynbasary.
2007-2008 jyldary – Qazaqstan Respýblikasy Bilim jáne ǵylym ministrliginde ministrdiń keńesshisi.
2008-2009 jyldary Qazaqstan Respýblikasy Prezidenti Ákimshiliginde sarapshy, sektor meńgerýshisi retinde qyzmet atqarǵan.
2009-2012 jyldar arasynda Qazaqstan Respýblikasy Prezidenti Baspasóz hatshysynyń orynbasary bolǵan.
2012 -2014 jyldary Túrki keńesi Bas hatshysynyń orynbasary bolyp qyzmet atqardy.
2014 jyldan bastap Halyqaralyq Túrki akademiiasynyń prezidenti.
2015 jylǵy 29 maýsymnan Túrki álemi Ulttyq ǵylym akademiialar odaǵy hatshylyǵynyń basshysy qyzmetin qosa atqarady jáne atalǵan odaqtyń uiymdastyrýshysy.
2015 jyly IýNESKO-nyń Parijdegi shtab-páterinde Qorqyt murasy jáne «Túrki álemi» atty halyqaralyq mádeni sharany, 2016 jyly Niý-Iork qalasyndaǵy Birikken Ulttar Uiymynyń shtab-páterinde «2030 jospary úshin Jibek joly boiyndaǵy jańa sinergiia» atty halyqaralyq simpoziýmdy jáne 2018 jyly «Rýhani jańǵyrý jáne mádeni mura: qadymnan keleshekke túrki tili» halyqaralyq mádeni is-sharalaryn uiymdastyrdy.
2016 jyldyń shildesinen «Egemen Qazaqstan» respýblikalyq gazeti» aktsionerlik qoǵamynyń Basqarma tóraǵasy.
2018 jyldyń qyrkúieginde Halyqaralyq Túrki akademiiasynyń prezidenti laýazymyna ekinshi merzimge taǵaiyndaldy.
Osy qyzmetke deiin 2022 jyldyń qyrkúieginen bastap Qazaqstan Respýblikasy Aqparat jáne qoǵamdyq damý ministri boldy.
