Darhan Qydyráli Zerendide ótken jastar resýrstyq ortalyqtary qyzmetkerlerine arnalǵan respýblikalyq jastar akademiiasyna qatysty, dep habarlaidy "Ult aqparat" AQDM baspasóz qyzmetine silteme jasap.
Búgin Aqparat jáne qoǵamdyq damý ministri Aqmola oblysynyń Zerendi aýdanynda “Jastar Akademiiasy” aiasynda ótip jatqan “Ádiletti Qazaqstan - adal azamat” dialogtyq alańyna qatysty.
Atalǵan is-sharaǵa Qazaqstannyń barlyq óńirinen kelgen 100-den astam jastar qyzmetkerleri úsh kún ishinde túrli treningterge qatysyp, ózara tájiribe almasty. Bul týraly Darhan Qydyráli óziniń paraqshasynda jazdy.
Is-shara aiasynda ótken “Ádiletti Qazaqstan - adal azamat” atty jiynda Memlekettik qyzmet isteri agenttiginiń tóraǵasy Darhan Jazyqbaev, Aqmola oblysy ákiminiń birinshi orynbasary Eldos Ramazanov, “Amanat” partiiasynyń atqarýshy hatshysy Dáýlet Káribek te sóz sóilep, jastarǵa paidaly aqparattar berdi.
“Ózderińizge belgili, Memleket basshysy Túrkistandaǵy Ulttyq quryltaida jastarymyz týǵan jerdiń eshkimge uqsamaityn ereksheligi men biregei bolmysyn jer júzine tanytyp júrgenin erekshe atap ótkeni belgili. Sonymen qatar «Jas urpaq tarih taǵylymyn jáne eldiń jarqyn bolashaqqa umtylysyn bir arnaǵa toǵystyryp jatyr. Osy serpilistiń qarqynyn saqtai otyryp, ony kúsheite túsý – memlekettiń mindeti» degen edi”, - dep jazdy ministr.
Biyl «Memlekettik jastar saiasaty týraly» zań óz kúshine endi. Jastar sanaty 35 jasqa deiin ulǵaidy. Qazir olardyń sany 6 mln-ǵa ósti. Zańdy iske asyrý úshin, 7 baǵyt jáne 80 is-sharalar keshenine qoljetkizýdi kózdeitin 2029 jylǵa deiin arnalǵan Memlekettik jastar saiasatynyń tujyrymdamasy qabyldandy.
Aqparat jáne qoǵamdyq damý ministri “Parlament Májilisi men máslihattarda jastar, áielder jáne múgedektigi bar adamdar úshin 30% kvota engizildi jáne barlyq deńgeidegi qoǵamdyq keńesterde jastar úshin 20% kvota engizý josparlanýda. Bunyń barlyǵy Memleket basshysynyń qamqorlyǵymen jastarǵa degen qamqorlyǵy dep túsingen abzal” dedi.
Ókinishke orai, jastar arasyndaǵy ólim men sýitsid jiilep tur. Sol sekildi jastardyń zań buzýy, nashaqorlyq, qarjy jóninen saýattyń az bolýy, jumyssyzdyq máselesi bar. Bul máselelerdi sheshý úshin naqty jumystar atqarylyp jatyr.
Jaqyn arada jastarmen jumys jónindegi mamandarǵa arnalǵan kásibi standarttar qabyldandy. Bul jumysty júieleýge jáne JRO qyzmetkerlerin irikteýdiń naqty ólshemderin anyqtaýǵa múmkindik beredi.
Qazir jastarǵa arnalǵan Biryńǵai interaktivti aqparattyq-tsifrlyq platforma qurý josparlanyp otyr. Platformalar arqyly jastardy qoldaýdyń barlyq memlekettik sharalary týraly bilýge jáne belsendi qatysýǵa múmkindik bar. Platformada memlekettik baǵdarlamalar men jobalarǵa qatysýdyń naqty algoritmderi jazylatyn bolady.
Ministr sońǵy jyldary elimizde kreativti indýstriia qarqyndy damyp keledi. Talantty jastarymyz ártúrli salada jarqyrap kórinip, jemisti eńbek etýde. Memleket basshysy da kreativti indýstriia salasyna jiti kóńil bólý kerek ekenin atap ótken edi. Sondyqtan biyl Memlekettik «Daryn» jastar syilyǵyna alǵash ret «Kreativti qyzmet» nominatsiiasy qosylyp otyrǵanyn atap ótti.
Dialogtyq alań sońynda jastar kókeiindegi suraqtaryn qoiyp, jastar ortalyqtaryn kadrlyq daiarlaýdan ótkizý syndy usynystar jasady.
