QR Prezidenti Ákimshiligi basshysynyń birinshi orynbasary Darhan Káletaev Ortalyq kommýnikatsiialar qyzmetiniń jańa basshysyn tanystyrdy, dep habarlaidy QazAqparat.
Buǵan deiin habarlanǵandai, «Jastar» ǵylymi-zertteý ortalyǵynyń direktory, saiasi ǵylymdar kandidaty, Ulttyq qoǵamdyq senim keńesiniń múshesi Talǵat Qaliev Ortalyq kommýnikatsiialar qyzmetiniń basshysy bolyp taǵaiyndalǵan edi.
«Memleket basshysynyń Jarlyǵymen QR Prezidenti janyndaǵy «Ortalyq kommýnikatsiialar qyzmeti» respýblikalyq memlekettik mekemesi quryldy. Prezident ókimimen Qaliev Talǵat Begimuly QR Prezidenti janyndaǵy Ortalyq kommýnikatsiialar qyzmetiniń basshysy bolyp taǵaiyndaldy», - dedi Darhan Káletaev.
Ol Ortalyq kommýnikatsiialar qyzmeti qaramaǵynda bolǵan QR Aqparat jáne qoǵamdyq damý ministrliginiń basshysy Dáýren Abaevqa alǵys aitty.
«Jumys óte sapaly júrgizildi, oń ózgerister aiqyn kórinedi, sol úshin Aqparat jáne qoǵamdyq damý ministrligine alǵys aitamyz. Ortalyq kommýnikatsiialar qyzmeti Sizderdiń senimdi seriktesterińiz bolyp qalady», - dedi QR Prezidenti Ákimshiligi basshysynyń birinshi orynbasary.
Óz kezeginde, Dáýren Abaev OKQ ujymyna alǵysyn bildirdi.
