Elbasynyń Jarlyǵymen Darhan Káletaev Qazaqstan Respýblikasynyń Din isteri jáne azamattyq qoǵam ministri bolyp taǵaiyndaldy, dep habarlaidy Aqordanyń baspasóz qyzmeti.
"Darhan Amanuly Káletaev Qazaqstan Respýblikasynyń Din isteri jáne azamattyq qoǵam ministri bolyp taǵaiyndalsyn", - delingen habarlamada.
Aita keteiik, din isteri jáne azamattyq qoǵam ministrligi 2016 jyldyń qyrkúieginde qurylǵan bolatyn.
Káletaev Darhan Amanuly1972 jyldyń 14 qazanynda Shyǵys Qazaqstan oblysynda dúniege kelgen.
S.Amanjolov atyndaǵy Shyǵys Qazaqstan memlekettik ýniversiteti men QR Prezidenti janyndaǵy Memlekettik basqarý ulttyq joǵary mektebin bitirgen. Saiasattaný ǵylymdarynyń doktory.
"Nur Otan" halyqtyq-demokratiialyq partiiasynyń múshesi. "Nur Otan" halyqtyq-demokratiialyq partiiasy saiasi keńesiniń múshesi.
1995-1997 jyldary QR Ministrler Kabineti janyndaǵy Tilder komitetiniń jetekshi mamany, Qazaqstan Respýblikasynyń ulttyq saiasat jóninde memlekettik komitettiń bas mamany, Qazaqstan Respýblikasy Bilim jáne mádeniet ministrligi Til saiasatyn úilestirý Departamentiniń basqarma basshysynyń orynbasary qyzmetterin atqardy.
2002 jyldyń qarashasynan bastap Ishki saiasat bóliminiń jetekshisi.
2003 jyldyń shildesinen bastap Prezident Ákimshiliginiń Ishki saiasat bóliminiń meńgerýshisi.
2004 jyldyń sáýirinen bastap QR Prezident Ákimshiliginiń Áleýmettik-saiasi bóliminiń meńgerýshisi.
2006 jyldyń sáýirinen bastap 2007 jyldyń qańtaryna deiin QR Prezident Ákimshiliginiń Memlekettik baqylaý jáne uiymdastyrý jumystary bóliminiń meńgerýshisi boldy.
2007 jyldyń qańtarynda QR Prezident Ákimshiligi jetekshisiniń orynbasary bolyp taǵaiyndaldy.
2008 jyldyń qazanynda "Nur Otan" HDP Tóraǵasynyń birinshi orynbasary bolyp taǵaiyndaldy, QR Prezidentiniń shtattan tys keńesshisi boldy.
2009 jyldyń qarashasynan bastap "Samuryq-Qazyna" ulttyq ál-aýqat qory" AQ Basqarma direktory qyzmetin atqardy.
2013 jyly "Samuryq-Qazyna" ulttyq ál-aýqat qory" AQ qoǵammen bailanys boiynsha bas direktor boldy.
2016 jyldan bastap Úkimet jáne bailanyspen ózara qarym-qatynas boiynsha Basqarma direktory.
"Astana" Prezidenttik kásipqoi sport klýbynyń qamqorshylyq keńesiniń tóraǵasy bolǵan.
QFF Atqarýshy komitetiniń múshesi.
2015 jyldyń qańtarynan bastap Qazaqstan velosport federatsiiasynyń prezidenti.
"Parasat" ordeni (2015), "Qurmet" ordeni (2005), "Astanaǵa 10 jyl" mereitoilyq medali, "Qazaqstan Respýblikasynyń Táýelsizdigine 20 jyl" medalimen marapattalǵan.
