Qoǵamdyq damý ministri Darhan Káletaev Túrkistan oblysynda hidjab kiip, mektepke kelgen oqýshylar týraly pikir bildirdi, dep habarlaidy QazAqparat tilshisi.
«Jalpy, byltyr da osyndai jaǵdailar tirkelgen bolatyn. Meniń oiymsha, máseleni sheshýge bolady. Tek ata-analarmen túsindirý jumystaryn júrgizý kerek. Bilim jáne ǵylym ministriniń oqýshy kimi úlgisi týraly erejesi, buiryǵy bar. Bul - qalypty protsess. Álbette, bul másele boiynsha suraqtardyń nelikten týyndap jatqanyn da túsinemin. Osy oraida dindar adamdardyń tarapynan túsinistik bolar dep úmittenemin. Atap aitqanda, osy másele boiynsha qazirgi tańda belsendi túrde túsindirý jumysyn qolǵa alǵan Qazaqstan Musylmandary Dini basqarmasy qoldaý bildirer dep senemin. Biz de jumys júrgizip jatyrmyz. Biraq, aitarym - bul jerde alyp bara jatqan problema kórip turǵan joqpyn. Jekelegen sátter bar, biz olardy eńseremiz dep oilaimyn», - dedi Ulttyq kitaphanadaǵy dóńgelek ústel bastalmai turyp Darhan Káletaev.
Aita ketsek, budan buryn áleýmettik jelilerde Túrkistan oblysy Maqtaral aýdanynda hidjab kigen oqýshylardyń mektepke kelgeni týraly video áleýmettik jelige tarap ketken bolatyn.
