Búgin Úkimet orysynda Densaýlyq saqtaý ministri Aleksei Tsoi 2021-2025 jyldarǵa arnalǵan saladaǵy ulttyq jobany tanystyrdy, dep habarlaidy QazAqparat.
«Ulttyq joba 4 baǵyttan turady jáne 9 mindet, 21 kóosetkishti, 72 is-sharany qamtyp otyr. Ony qarjylandyrý 3,6 trln teńgeni quraidy», - dedi Tsoi.
Onyń aitýynsha, asa tapshy mamandyqtar boiynsha rezidentýranyń bilim granttary sany 3800-ge deiin, sondai-aq álimniń ozyq oqy oryndarynda qarqyndy terapiianyń halyqaralyq standarttary turǵysynda oqytylǵan dárigerler artady.
Ulttyq joba aiasynda sanitarlyq-epidemiologiialyq saraptama zerthanalarynyń úlesin kóbeitý eskerilgen.
Munymen qosa, qabyldanǵan sharalar halyqaralyq standarttaryna sáikestelgen tirkelgen zerthanalar sanyn arttyrýǵa, dárilik ári meditsinalyq zattardyń 30-dan kem emes jańa óndirisin iske qosýǵa múmkindik beredi.
Budan bólek, temeki tartatyn adamdar sanyn azaitý, salaýatty ómir saltyn ustanatyndar men sportpen ainalysatyndar úlesin arttyrý qamtylǵan.
«Ekonomikalyq apektide densaýlyq saqtaý salasyna jeke investitsiialardy 783 mlrd teńgege deiin arttyrý, 13 myń jańa jumys ornyn qurý, josparlanǵan», - dedi ministr.
