Qazaqstanda tirkelgen barlyq dári-dármek toptamasy engen DariKz mobildi qosymshasynyń jańartylǵan nusqasy IOS platformasynda jumys istep tur.
Bul týraly Dárilik zattar men meditsinalyq buiymdardy saraptaý ulttyq ortalyǵynyń baspasóz qyzmeti jariialady, dep habarlaidy "Ult aqparat".
Endi qosymshany paidalaný yńǵaily, áldeqaida jyldam jáne AppStore-dyń barlyq talaptaryna sai keledi.
Darikz mobildi qosymshasy arqyly elde tirkelgen dáriler týraly aqparat alýǵa bolady. Qosymshada dárilik preparattyń mólsheri, kontsentratsiiasy, saqtaý merzimi jáne erekshe belgileri, dáriniń túpnusqa nemese djenerik ekendigi, dárigerdiń retseptimen nemese retseptisiz beriletini týraly málimet bar. Sondai-aq, «Shekti baǵa» bóliminde dári-dármektiń baǵasyn baqylaýǵa bolady. Eger onyń quny Qazaqstanda ruqsat etilgen shekti baǵadan asyp ketse, qosymshada shaǵym qaldyrýǵa bolady. Qazirgi ýaqytta qosymshanyń dárilik zattar derekqoryna 18 myńǵa jýyq preparat engizildi, onyń ishinde 6500 dárige shekti baǵa belgilengen.
Dárilik zattardy izdeý onyń saýdadaǵy ataýy, tirkeý kýáligi jáne halyqaralyq patenttelmegen ataýy boiynsha júrgiziledi. Dári-dármek týraly barlyq aqparat qazaq, orys jáne aǵylshyn tilderinde usynylady.
Buǵan deiin Android platformasynda DariKz qosymshasyn 123 myń paidalanýshy júktep alyp, sátti qoldanǵan bolatyn.
1.5.3 nómirli «DariKz» jańa nusqasy iOS platformasynda jumys isteitin smartfondarǵa da qoljetimdi bolyp otyr.
