Almaty dárihanalarynda tuzdy eritindi (fizrastvor) tapshylyǵy joq. Bul týraly brifing barysynda qala ákiminiń orynbasary Maqsat Qiqymov málim etti, dep habarlaidy QazAqparat.
Onyń aitýynsha, buqaralyq aqparat quraldarynda Almaty men Nur-Sultandaǵy dárihanalarda tuzdy eritindiniń (natrii hloridtiń sýmen eritindisi) tapshylyǵy týraly aqparat shyqqan.
«Almaty qalasynyń ákimi Baqytjan Ábdiruly búgin qala dárihanalarynda jáne iri farmkompaniialardyń Turaqtandyrý qoryndaǵy qoimalarda fizrastvor men kovidke qarsy dárilerdiń bar-joǵyn tekserdi. Aita keteiin, «natrii hloridi» dárilik preparaty (infýziiaǵa arnalǵan eritindi) búgingi kúni Turaqtandyrý qorynyń qoimalarynda 200 ml-den 80 myń birlik mólsherinde qory bar, rezerv retinde tómendetilmeitin qaldyǵy 43,2 myń dana, ónim berýshi «Inkar» JShS kompaniiasy», - deidi Maqsat Qiqymov.
Budan basqa, qalanyń iri ónim berýshileri «Medservis pliýs» JShS, «Amanat» JShS-nyń qoimalarynda 400 ml-den 17,1 myń birlik kóleminde tuzdy eritindi qory bar.
«Sondai-aq qaladaǵy eń iri dárihanalar «Ortalyq dárihanada» jáne «Apteka pliýste» 0,9% natrii hloridi eritindisiniń barlyq túrleri jetkilikti mólsherde. «Ot A do Ia», «Farmakom», «Melissa», «Sadyhan Preimým», «Gaýhar Tas», «Akniet» sekildi iri dárihana jelileriniń qoimalarynda 61,2 myń birlik fizrastvor bar. Almatyda tuzdy eritindi tapshylyǵy joq», - deidi ol.
Búgingi kúni megapoliste 975 dárihana shtattyq rejimde jumys istep tur.
