الماتى دەرٸحانالارىندا تۇزدى ەرٸتٸندٸ (فيزراستۆور) تاپشىلىعى جوق. بۇل تۋرالى بريفينگ بارىسىندا قالا ەكٸمٸنٸڭ ورىنباسارى ماقسات قيقىموۆ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, بۇقارالىق اقپارات قۇرالدارىندا الماتى مەن نۇر-سۇلتانداعى دەرٸحانالاردا تۇزدى ەرٸتٸندٸنٸڭ (ناتريي حلوريدتٸڭ سۋمەن ەرٸتٸندٸسٸ) تاپشىلىعى تۋرالى اقپارات شىققان.
«الماتى قالاسىنىڭ ەكٸمٸ باقىتجان ەبدٸرۇلى بٷگٸن قالا دەرٸحانالارىندا جەنە ٸرٸ فارمكومپانييالاردىڭ تۇراقتاندىرۋ قورىنداعى قويمالاردا فيزراستۆور مەن كوۆيدكە قارسى دەرٸلەردٸڭ بار-جوعىن تەكسەردٸ. ايتا كەتەيٸن, «ناتريي حلوريدٸ» دەرٸلٸك پرەپاراتى (ينفۋزيياعا ارنالعان ەرٸتٸندٸ) بٷگٸنگٸ كٷنٸ تۇراقتاندىرۋ قورىنىڭ قويمالارىندا 200 مل-دەن 80 مىڭ بٸرلٸك مٶلشەرٸندە قورى بار, رەزەرۆ رەتٸندە تٶمەندەتٸلمەيتٸن قالدىعى 43,2 مىڭ دانا, ٶنٸم بەرۋشٸ «ينكار» جشس كومپانيياسى», - دەيدٸ ماقسات قيقىموۆ.
بۇدان باسقا, قالانىڭ ٸرٸ ٶنٸم بەرۋشٸلەرٸ «مەدسەرۆيس پليۋس» جشس, «امانات» جشس-نىڭ قويمالارىندا 400 مل-دەن 17,1 مىڭ بٸرلٸك كٶلەمٸندە تۇزدى ەرٸتٸندٸ قورى بار.
«سونداي-اق قالاداعى ەڭ ٸرٸ دەرٸحانالار «ورتالىق دەرٸحانادا» جەنە «اپتەكا پليۋستە» 0,9% ناتريي حلوريدٸ ەرٸتٸندٸسٸنٸڭ بارلىق تٷرلەرٸ جەتكٸلٸكتٸ مٶلشەردە. «وت ا دو يا», «فارماكوم», «مەليسسا», «سادىحان پرەيمۋم», «گاۋحار تاس», «اكنيەت» سەكٸلدٸ ٸرٸ دەرٸحانا جەلٸلەرٸنٸڭ قويمالارىندا 61,2 مىڭ بٸرلٸك فيزراستۆور بار. الماتىدا تۇزدى ەرٸتٸندٸ تاپشىلىعى جوق», - دەيدٸ ول.
بٷگٸنگٸ كٷنٸ مەگاپوليستە 975 دەرٸحانا شتاتتىق رەجيمدە جۇمىس ٸستەپ تۇر.
