Almatynyń bas dárigeri Kamaljan Nadyrov qalalyqtardy ózin-ózi emdemeýge jáne dárihanaǵa barmaýǵa shaqyrdy, dep habarlaidy QazAqparat.
«Qazir biz áleýmettik jelilerge monitoring júrgizip otyrmyz. Onda dárihanalarda dári tapshylyǵy týraly kóp jazylyp jatyr. Ásirese, virýsqa qarsy preparattar joq deidi. Men sizderdi mundai jalǵan aqparattarǵa senbeýge shaqyramyn. Profilaktika úshin dári ishýge bolmaidy. Ol aýrýdyń aldyn almaitynyn eskertkim keledi»,– dedi Kamaljan Nadyrov.
Sonymen qatar, ol emdi dárigerdiń keńesimen júrgizý kerektigin basa aitty. Áitpese, odan nátije shyqpaidy nemese ómirińizge qaýip tónedi.
«Sondyqtan men almatylyqtardy beker daýryǵyp, dári satyp alý úshin dárihanaǵa júgirmeýge shaqyramyn. Dárilerdi durys qoldanbasa, onyń qarsy kórsetkishteri baryn umytpaý kerek. Sondyqtan óte muqiiat bolǵan abzal», - dedi ol.
