Almaty politsiiasy tanymal vainer Meiirjan Tórebaevtyń meditsina qyzmetkerlerine jasaǵan prankty tekserip jatyr, dep habarlaidy QazAqparat.
Bul týraly qalalyq prokýratýra málim etti.
«Qazirgi ýaqytta vainer túsirilgen video boiynsha tekserý júrgizilip jatyr, onyń qorytyndysy boiynsha quqyqtyq baǵa beriledi. Tekserýdiń sońǵy nátijeleri týraly aqparatty politsiiadan alýǵa bolady», - dep habarlady vedomstvadan
Eske salaiyq, 19 kúni Vainer Meiirjan Tórebaev Instagram-daǵy paraqshasynda dárigerlerge prank jasaǵan videosyn jariialady.
Almaty qalalyq qoǵamdyq densaýlyq saqtaý basqarmasynyń málimetinshe, beinejazbadaǵy meditsina qyzmetkerleri №4 qalalyq emhanada jumys isteidi.
Emhana basshylyǵy quzyrly organdarǵa ákimshilik jaýapkershilik sharasyn qoldaný týraly ótinish jibergenderin aitqan bolatyn.
Sebebi adamdardyń densaýlyǵy men densaýlyq saqtaý júiesi týraly kodeks memlekettik organdar men laýazymdy tulǵalardyń meditsina qyzmetkeriniń kásibi qyzmetine aralasýyna tyiym salady.
