Almatyda «Jas Otan» músheleri «Dárigerlerge myń alǵys» aktsiiasyn jalǵastyrdy, dep habarlaidy QazAqparat.
Qaiyrymdylyq aktsiiasy aiasynda eriktiler 800-den astam densaýlyq sebetin daiyndady. Aktsiianyń alǵashqy kúninde 250 dárigerge densaýlyq sebeti tabys etildi. Dárigerlerge immýnitetti nyǵaitýǵa arnalǵan taǵamdar: bal, limon, qurma, shokolad, jent berildi.
«Aktsiianyń máni – 4 aiǵa jýyq ýaqyt boiy óz ómirin qaterge tigip, búgingi qoǵamnyń batyrlaryna ainalǵan aq halatty abzal jandarǵa jastar atynan alǵys aitý, qoldaý kórsetý. Álemdi jaýlaǵan COVID-19 koronavirýs infektsiiasy eshkimdi beijai qaldyrmady. Osyndai syn saǵatta birinshi kezekte aq halatty abzal jandar ózgelerdiń ómiri úshin aianbai kúresýde», - deidi «Jas Otan» Almaty bólimshesiniń tóraǵasy Mádi Ahmetov.
«Búgingi tańda Qazaqstanda koronavirýsty juqtyrǵandardyń sany 65 myńnan asty. Biraq meditsina qyzmetkerleriniń qajyrly eńbeginiń arqasynda kóp adamdar aiaqqa turdy. Dárigerler adam ómiri úshin táýlik boiy kúresýde. Bul qaiyrymdylyq aktsiiasymen biz dárigerlerge jylý syilap, qoldaý kórsetip, birge ekendigimizdi jetkizgimiz keledi», - deidi erikti Bibinur Sherbaeva.
Aktsiianyń alǵashqy kúninde jasotandyq volonterler ortalyq qalalyq klinikalyq aýrýhanaǵa, qalalyq klinikalyq juqpaly aýrýlar aýrýhanasyna jáne qalalyq juqpaly aýrýlardyń klinikalyq balalar aýrýhanasynyń qyzmetkerlerine densaýlyq jiyntyǵyn tabystady.
Bul sharaǵa Almaty qalasy boiynsha koronavirýstyń aldyn alý vedomstvoaralyq komissiiasy qoldaý kórsetti. Al densaýlyq sebetterin tabystaýǵa arnaiy daiyndyqtan ótken eriktiler jumyldyryldy.
Olardyń árqaisysy qorǵanysh quraldarymen qamtamasyz etilgen. Aktsiia barysynda barlyq saqtyq sharalary eskerildi.
