Almatylyqtar koronavirýs infektsiiasymen laiyqty kúresip jatyr. Bul týraly qytailyq maman Lý Chen aitty, dep habarlaidy QazAqparat.
Qalada qazir Qytaidan kelgen mamandardyń qatysýymen onlain trening bastaldy.
Onlain kezdesýden soń olar otandyq dárigerlerdi virýspen kúres tásiline úiretti.
Dárigerlerdiń biri Lý Chen qazaqstandyq áriptesteriniń eńbegin joǵary baǵalady.
«Almatylyqtar karantin ýaqytyn talapqa sai ótkizip jatyr. Qala kósheleri bos. Kóp kásiporyndar jumysyn toqtatqan. Qazir álemniń million turǵyny bar barlyq qalalarynda osyndai jaǵdai. Qazaqstanǵa bul infektsiia syrttan kelgen. Sizder tásili – neǵurlym erterek oqshaýlaný, erterek diagnostika jasaý», - dedi Lý Chen.
Onyń aitýynsha, dárigerlerdiń jappai virýs juqtyrýy álemniń barlyq elinde bolyp jatyr.
«Bizde de dárigerler kóp juqtyrǵan. Biz olardy qorǵaý sharalaryn nyǵaitý úshin osynda keldik. Sizdermen osy infektsiia jaiynda barlyq bilgenimizben bólisetin bolamyz», - dedi Lý Chen.
Aita ketý kerek, búgin Almatyǵa Qytaidan 10 maman Covid-19 kúresý týraly bilimimen bólisýge keldi. Delegatsiia quramynda infektsionist, epidemiolog, pýlmonolog jáne basqa da mamandar bar.
