Nur-Sultan qalasynda koronavirýspen kúresip jatqan dárigerlerdiń beinesi turǵyn úi kesheniniń qasbetinde paida bolady. Elordanyń shyǵarmashylyq qaýymdastyǵy sýretti meditsinalyq qyzmetkerlerge arnap salyp jatyr, dep habarlaidy "Ult aqparat" Jedel shtabqa silteme jasap.
«Shyǵarmashylyq adamdary onlain-kontsertter ótkizip, eriktilerge kómektesip jatyr. Adamdar bir-birine qoldaý kórsetý maqsatymen birigýde. Sýretshiler atynan osy shyǵarmashylyq joba arqyly koronavirýspen kúresip jatqan meditsina salasynyń qyzmetkerlerine rizashylyǵymyzdy bildirip, «Biz birgemiz» jalpyulttyq aktsiiasyna qosylamyz. Mýral salýdaǵy basty maqsat ‒ dárigerlerge alǵys bildirý! Sizderge alǵysymyz sheksiz. Bul indetpen kúresip jatqan ár qyzmetkerdi batyr dep sanaimyz. Qala ákimdigine bildirgen qoldaýy úshin alǵys aitamyz. Úlken shyǵarmashylyq top jumys istep jatyr. Biz birgemiz!» — dedi Kristina Bekmýrzaeva.
Elorda ákimdigi shyǵarmashylyq qaýymdastyqtyń bastamasyn qoldap, qajetti tehnikany uiymdastyrýǵa kómek kórsetti.
