Sýret: Ashyq derekkózden
Májilis depýtattary meditsinalyq oqiǵa saldarynan zardap shekken qazaqstandyqtarǵa ótemaqy tólenetin zań jobasyn birinshi oqylymda maquldady, - dep habarlaidy Tengrinews.kz.
Densaýlyq saqtaý ministri Ajar Ǵiniiat 2018-2020 jyldary jeke jáne zańdy tulǵalardan 14 123 ótinish túskenin, onyń ishinde jyl saiyn 300-ge jýyq is Qylmystyq kodekstiń 317-babynda kózdelgen meditsinalyq qyzmetkerlerge qatysty kásibi mindetterin tiisinshe oryndamaǵany úshin ashylatynyn, kóp jaǵdaida ólim qaýpi bar hirýrgiia mamandaryna qatysty: akýsher-ginekologtar – 14 adam, hirýrgtar – 14, travmatologtar – 8, anesteziologtar – 6.
"Zań jobasynda abaisyzda densaýlyqqa ortasha jáne aýyr ziian keltirgeni úshin aiyppul somasy men qamaýǵa alý merzimin qysqartý usynylady. Naýqastyń densaýlyǵyna aýyr ziian kelgen nemese qaitys bolǵan jaǵdaida bas bostandyǵynan aiyrýdy jaza merzimderin qaita qaraýmen bas bostandyǵyn shekteýge aýystyrý", - dedi Ajar Ǵiniiat.
Sondai-aq, zań jobasy meditsina qyzmetkerleriniń mártebesi men áleýmettik qoldaýyn arttyrýǵa, olarǵa qurmetti ataqtar berýge jáne 2023 jyly meditsina qyzmetkerleriniń jalaqysyn arttyrýdy jalǵastyrýǵa baǵyttalǵan.
Ajar Ǵiniiat naýqastyń tańdaýy bolatynyn túsindirdi. Meditsinalyq uiymnyń sheshimi jáne tólem mólsherimen kelispese, ol sotqa júgine alady.
