Koronavirýspen kúres kezinde óńirlerde dárigerlerge jataqhanalar men qonaqúiden oryn beriledi. Bul týraly QR Densaýlyq saqtaý ministri Eljan Birtanov aityp berdi, dep habarlaidy "Ult aqparat".
«Búgin memlekettik komissiia epidemiiaǵa qarsy jáne sanitarlyq standarttardy múltiksiz oryndaý, meditsinalyq uiymdardy maqsatty qoldaný jáne karantindik jáne provizorlyq statsionarlardaǵy meditsinalyq qyzmetkerlerdi karantindik jaǵdaiǵa aýystyrý týraly sheshim qabyldady. Iaǵni, naýqastarmen bailanysta bolǵan meditsinalyq mamandar bul nysandarǵa kelmeýi tiis», - dedi ministr Ortalyq kommýnikatsiialar qyzmetinde ótken brifingte.
Onyń aitýynsha, oblys ákimderi epidemiia kezindegi jumysta dárigerlerge qonaqúi men jataqhana taýyp, kólikpen jáne tamaqpen qamtamasyz etip jatyr.
«Dárigerlerge tiisti turmystyq jaǵdai jasalýy kerek. Birqatar óńirler bul jumysty belsendi bastap ketti. Meniń oiymsha meditsinalyq mamandardyń máseleleri sheshilip, kúdigi seiiledi. Túsinemiz, kóptegen mamandar aýrýdan qaýiptenip, úilerine barǵysy kelmeidi. Sondyqtan bul sheshimge tolyq negiz bar», - dedi E. Birtanov.
