Týberkýlezge shaldyqqan naýqastar emhanaǵa kelmei-aq, emin úide júrgize alady. Olardy ftiziatorlar smartfon arqyly qadaǵalaidy. Bul týraly Ulttyq ftiziopýlmonologiia ǵylymi ortalyǵynyń direktory Málik Ádenov aitty, dep habarlaidy "Ult aqparat".
Ulttyq ftiziopýlmonologiia ǵylymi ortalyǵynyń direktory Málik Ádenov saladaǵy birqatar ózgerispen qatar jańa tehnologiialyq jetistikterdiń elimizdiń shalǵai aimaqtarynda turatyn naýqastardy qashyqtan baqylaýǵa jol ashyp otyrǵandyǵyn málim etti.
«Tiisti em qabyldaý úshin emhanaǵa kúndelikti kelý mindetti emes. Iaǵni, ainalasyndaǵylarǵa qaýip týdyrmaityn naýqastar dárisin úiinde qabyldap, smartfon arqyly emdeý mekemesimen bailanysqa shyǵyp otyrsa jetkilikti. Jańa tehnologiiany qoldaný arqyly medbikeniń júktemesi de azaiýda. Mysaly, emhana dárigeri kúnine 10-15 adam qabyldaityn bolsa, beinebailanys arqyly bul kórsetkish 40 adamǵa jetken» – deidi QR DSM «Ulttyq ftiziopýlmonologiia ǵylymi ortalyǵynyń» direktory Málik Ádenov.
Júrip-turýy men qozǵalýy qiyn naýqastarǵa ftiziopýlmonologiia ortalyǵynyń mobildi toby kómektesedi. Olar qajetti dárilerdiń ishý ýaqytyn qadaǵalaidy.
«Biz naýqastardyń áleýmettik jaǵdaiyn da nazardan tys qaldyrmaimyz. Smartfony joq adamdarǵa ýaqytsha mobildik qosymshasy júktelgen uialy telefondy usynamyz. Sol arqyly onyń emin baqylaýdy jalǵastyramyz», - dedi Málik Ádenov.
Qazir elimizdegi barlyq ftiziatorlar turǵyndarmen qoian-qoltyq jumys isteidi. Aýrýǵa qarsy egý, fliýrografiia, qoljetimdi aqparattar – týberkýlezben kúrestiń basty qarýy.
«Búgingi tańda aýrýdyń alǵashqy belgilerin ár adam bilýi tiis. Bul – júdeý, eki aptaǵa sozylatyn jótel, dene qyzýynyń kóterilýi. Árine, mundai jaǵdaidy boldyrmaýdyń negizgi joly aýrýdyń aldyn alýǵa bailanysty. Eger naýqastyń boiynan týberkýlez belgisi tabylyp jatsa, erte bastan emdeý tiimdi ári sapaly bolady», - dedi Málik Ádenov
