تۋبەركۋلەزگە شالدىققان ناۋقاستار ەمحاناعا كەلمەي-اق, ەمٸن ٷيدە جٷرگٸزە الادى. ولاردى فتيزياتورلار سمارتفون ارقىلى قاداعالايدى. بۇل تۋرالى ۇلتتىق فتيزيوپۋلمونولوگييا عىلىمي ورتالىعىنىڭ ديرەكتورى مەلٸك ەدەنوۆ ايتتى, دەپ حابارلايدى "ۇلت اقپارات".
ۇلتتىق فتيزيوپۋلمونولوگييا عىلىمي ورتالىعىنىڭ ديرەكتورى مەلٸك ەدەنوۆ سالاداعى بٸرقاتار ٶزگەرٸسپەن قاتار جاڭا تەحنولوگييالىق جەتٸستٸكتەردٸڭ ەلٸمٸزدٸڭ شالعاي ايماقتارىندا تۇراتىن ناۋقاستاردى قاشىقتان باقىلاۋعا جول اشىپ وتىرعاندىعىن مەلٸم ەتتٸ.
«تيٸستٸ ەم قابىلداۋ ٷشٸن ەمحاناعا كٷندەلٸكتٸ كەلۋ مٸندەتتٸ ەمەس. ياعني, اينالاسىنداعىلارعا قاۋٸپ تۋدىرمايتىن ناۋقاستار دەرٸسٸن ٷيٸندە قابىلداپ, سمارتفون ارقىلى ەمدەۋ مەكەمەسٸمەن بايلانىسقا شىعىپ وتىرسا جەتكٸلٸكتٸ. جاڭا تەحنولوگييانى قولدانۋ ارقىلى مەدبيكەنٸڭ جٷكتەمەسٸ دە ازايۋدا. مىسالى, ەمحانا دەرٸگەرٸ كٷنٸنە 10-15 ادام قابىلدايتىن بولسا, بەينەبايلانىس ارقىلى بۇل كٶرسەتكٸش 40 ادامعا جەتكەن» – دەيدٸ قر دسم «ۇلتتىق فتيزيوپۋلمونولوگييا عىلىمي ورتالىعىنىڭ» ديرەكتورى مەلٸك ەدەنوۆ.
جٷرٸپ-تۇرۋى مەن قوزعالۋى قيىن ناۋقاستارعا فتيزيوپۋلمونولوگييا ورتالىعىنىڭ موبيلدٸ توبى كٶمەكتەسەدٸ. ولار قاجەتتٸ دەرٸلەردٸڭ ٸشۋ ۋاقىتىن قاداعالايدى.
«بٸز ناۋقاستاردىڭ ەلەۋمەتتٸك جاعدايىن دا نازاردان تىس قالدىرمايمىز. سمارتفونى جوق ادامدارعا ۋاقىتشا موبيلدٸك قوسىمشاسى جٷكتەلگەن ۇيالى تەلەفوندى ۇسىنامىز. سول ارقىلى ونىڭ ەمٸن باقىلاۋدى جالعاستىرامىز», - دەدٸ مەلٸك ەدەنوۆ.
قازٸر ەلٸمٸزدەگٸ بارلىق فتيزياتورلار تۇرعىندارمەن قويان-قولتىق جۇمىس ٸستەيدٸ. اۋرۋعا قارسى ەگۋ, فليۋروگرافييا, قولجەتٸمدٸ اقپاراتتار – تۋبەركۋلەزبەن كٷرەستٸڭ باستى قارۋى.
«بٷگٸنگٸ تاڭدا اۋرۋدىڭ العاشقى بەلگٸلەرٸن ەر ادام بٸلۋٸ تيٸس. بۇل – جٷدەۋ, ەكٸ اپتاعا سوزىلاتىن جٶتەل, دەنە قىزۋىنىڭ كٶتەرٸلۋٸ. ەرينە, مۇنداي جاعدايدى بولدىرماۋدىڭ نەگٸزگٸ جولى اۋرۋدىڭ الدىن الۋعا بايلانىستى. ەگەر ناۋقاستىڭ بويىنان تۋبەركۋلەز بەلگٸسٸ تابىلىپ جاتسا, ەرتە باستان ەمدەۋ تيٸمدٸ ەرٸ ساپالى بولادى», - دەدٸ مەلٸك ەدەنوۆ
