Soltústik Qazaqstan oblysynda koronavirýs juqtyrǵan eki adam buǵan deiin anyqtalǵan áielmen qarym-qatynasta bolǵan, dep habarlaidy "Ult aqparat".
SQO Densaýlyq saqtaý basqarmasynyń málimetinshe, juqpaly indetti juqtyrǵandar Petropavl qalasynyń 1971 jáne 1975 jylǵy turǵyndary. Eki áiel de úi karantininde bolǵan. Saraptama alynyp, infektsiiany juqtyrǵandary rastalǵannan keiin naýqastar algoritmge sáikes juqpaly aýrýlar aýrýhanasyna jetkizildi.
Mamandardyń aitýynsha, olardyń jaǵdailary birqalypty. Úilerinde dezinfektsiialyq jumystar júrgizilip jatyr. Sondai-aq qarym-qatynasta bolǵan ainalasy anyqtalý ústinde.
Bul – SQO-da búgindikke anyqtalǵan osymen úshinshi jaǵdai. Buǵan deiin Petropavl qalasynyń 1954 jyly týǵan turǵynynan da qaýipti indet tabylǵan bolatyn. SQO Densaýlyq saqtaý basqarmasy jetekshisiniń orynbasary Nurlan Aimanovtyń aitýynsha, koronavirýs infektsiiasy tabylǵan áielde pnevmoniia aýrýynyń belgileri bolǵan. Qan taldaýy onyń aýrýdy juqtyrǵanyn kórsetken. Onymen jaqyn qarym-qatynasta bolǵan 73 adam jáne aýrý oshaǵy tabylǵan úidiń podezi karantinge alyndy. ⠀
