Akademik Batpenov atyndaǵy ulttyq travmatologiia jáne ortopediia ǵylymi ortalyǵynyń dárigerleri Nur-Sultan kópirinde bolǵan jol apatynan aman qalǵan qyzdy aiaqqa turǵyzdy, dep habarlaidy QazAqparat.
«30 qyrkúiekte bizdiń ortalyqtyń qabyldaý bólimine túsken. Naýqasty tekserip, omyrtqasy men julynyna shuǵyl ota jasaldy. Ota 4,5 saǵatqa sozyldy. Naýqastyń jaǵdaiy turaqtanǵannan keiin odan ári emdeý úshin jalpy bólimge aýystyryldy. Keshe qyz úige shyqty, qazir ózdiginen qozǵala alady. Alda ony ońaltý sharalary kútip tur», - dedi ǵylymi ortalyqtyń baspasóz qyzmeti.
Baspasóz qyzmetiniń ókilderi jantúrshigerlik apattan aman qalǵan qyzdyń ońalýyna ortalyqtaǵy meditsinalyq personaldyń bári úles qosqanyn, ásirese reanimatolog pen hirýrgtardyń, neirohirýrgtardyń jumyla jumys isteýi sebep bolǵanyn aitady.
Dárigerlerdiń aitýynsha, qyzdyń ómirge degen qushtarlyǵy da oǵan jasalǵan emdik sharalardyń aǵzaǵa jaqsy áser etýine yqpal jasaǵan.
Aita keteiik, qyzǵa otany №1 travmatologiia bóliminiń meńgerýshisi Murat Baidarbekov, anesteziolog – anesteziologiia jáne reanimatsiia bóliminiń meńgerýshisi Tursyn Jeksembiev jasaǵan.
Eske salsaq, 30 qyrkúiek kúni elordada jantúrshigerlik kólik apatynan 5 adam mert bolyp, jalǵyz qyz aman qalǵan bolatyn.
Ol jolaýshy elordadaǵy akademik Nurlan Batpenov atyndaǵy Ulttyq ǵylymi travmatologiia jáne ortopediia ortalyǵyna jetkizildi.
4 qazan kúni naýqas dárigerler naýqasty jansaqtaý bóliminen palataǵa aýystyrylatynyn aitty.
