Maýsym aiynyń sońynda densaýlyq saqtaý júiesindegi 400 myńǵa jýyq adamnyń jalaqysy 30 paiyzǵa ósedi, dep habarlaidy "Ult aqparat".
Atap aitqanda, densaýlyq saqtaý salasyndaǵy mekeme qyzmetkerleriniń eńbekaqysy 1 maýsymnan bastap kóteriledi. Olar: negizgi qyzmetkerler - dáriger, provizor, psiholog, feldsher, akýsher, medbike, farmatsevt, áleýmettik qyzmetkerler jáne basqa da mamandar; qosymsha qyzmetkerler - is júrgizýshi, operator, hatshy; tehnikalyq qyzmetkerler - sanitarlar, kólik júrgizýshi, aýla tazalaýshy, qaraýyl; ákimshilik qyzmetkerler - esepshi, programmist, kadr boiynsha inspektorlar; basqarýshy qyzmetkerler - basshylar jáne olardyń orynbasarlary, bas esepshi.
«Qyzmetkerlerdiń jalaqysy «Respýblikalyq biýdjet esebinen qarjylandyrylatyn mekeme, qazynalyq kásiporyn jumysshylaryna, azamattyq qyzmetkerlerge eńbekaqy tóleý júiesi týraly» QR Úkimetiniń № 1193 qaýlysy jáne QR Densaýlyq saqtaý ministrliginiń Qazaqstandaǵy densaýlyq saqtaý salasy qyzmetkerleriniń salalyq kásipodaǵy, densaýlyq saqtaý júiesindegi «SENIM» salalyq kásiporny jáne QR Ulttyq densaýlyq saqtaý palatasy arasyndaǵy kelisim negizinde kóteriledi», - dep atap ótilgen QR DSM málimetinde.
Qyzmetkerlerdiń eńbekaqysy myna tártip boiynsha ósedi:
|
Kategoriialar tizimi |
Jalaqy, teńge |
ósim |
||
|
qazirgi |
qosylǵany |
teńge |
% |
|
|
kategoriiasyz |
94 095 |
122 323 |
28 228 |
30% |
|
ekinshi |
106 164 |
138 014 |
31 849 |
30% |
|
birinshi |
111 031 |
144 340 |
33 309 |
30% |
|
joǵary |
122 516 |
159 271 |
36 755 |
30% |
Sonymen qatar, qyzmetkerlerdiń eńbekaqysy olardyń laýazymyna, jumys ótili men kvalifikatsiialyq kategoriiasyna qarai ósedi.
Esterińizge sala keteiik, bul shara Elbasynyń 2019 jyly 27 aqpandaǵy «Nur Otannyń» XVIII sezdinde bergen tapsyrmasy aiasynda júzege asýda. 2019 jyly 1 shildeden bastap biýdjettik sala qyzmetkerleriniń jalaqasy 30 paiyzǵa deiin artýy tiis edi. Keiin bul qadam Prezident Qasym-Jomart Toqaevtyń tapsyrmasymen 2019 jyldyń 1 maýsymyna aýystyryldy.
