Koronavirýsqa qarsy kúresken dárigerler halyqtan toi-tomalaqty toqtata turýdy ótindi. Aq halatty abzal jandardyń atynan bul úndeýdi halyqqa Nur-Sultan qalasyndaǵy dáriger-infektsionisi Quralai Myramytova jetkizdi, dep habarlaidy QazAqparat.
«Koronavirýs infektsiiasynyń alǵashqy tolqyny kezinde bárimiz bir kisidei jumylyp, indetke qarsy kúres júrgizdik. Sol kezde men jáne meniń áriptesterimniń jasaǵan eńbekteri zaia ketpeýi úshin sizderden suraitynymyz: saqtyq sharalaryn umytpai, maska kiip, bolyp jatqan toi-tomalaqtardan, merekelerden alshaq bolsańyzdar deimiz. Ondai jerlerge barmai, bolmasa keiinge shegerýdi suraimyz. Eger siz bolyp, biz bolyp osy sharalardyń bárin saqtasaq, onda osy aýrýdan qutylamyz. Aman bolyńyzdar!», - dedi videoúndeýde dáriger-infektsionist.
Aita ketsek, Qazaqstanda pandemiia bastalǵaly 109 508 adam koronavirýs juqtyryp, onyń 105030-y jazylyp shyqty. Ókinishke qarai indetten 1768 adam kóz jumdy.
