Shymkentte dárigerler esin joǵaltqan naýqastyń týystaryn izdestirip jatyr, - dep habarlaidy Tengrinews.kz tilshisi OTYRAR saityna silteme jasap.
Qazirgi ýaqytta er adam birinshi qalalyq klinikalyq aýrýhanada em alyp jatyr. 48 jastaǵy Januzaq Tursynqulovtyń sol aiaǵynda dymqyl gangrena, sepsis, aqýyz-energetikalyq jetkiliksizdigi bar.
Naýqas "Qalada jaqyndaryńyz bar ma, ózińiz qai jaqtansyz" degen suraqqa jaýap bere almaidy. Sebebi jadyn ýaqytsha joǵaltqan bolýy kerek.
Dárigerler er adamdy tanyǵan adam bolsa №1 qalalyq klinikalyq aýrýhanaǵa barýdy nemese 102 nómirine qońyraý shalýdy suraidy.
