Qazaqstandyq ánshi Erke Esmahan áleýmettik jelidegi paraqshasynda kópshilikke buryn aitpaǵan otbasylyq qupiiasymen bólisti. Óner iesi kenje uly Batyrǵa aiaǵy aýyr kezde bastapqyda egiz bala kútkenin málimdedi, dep habarlaidy ult.kz.
Ánshiniń aitýynsha, uly Islam dúniege kelgennen keiin shamamen 10 ai ótken soń qaitadan júkti bolǵanyn bilgen. Alǵashqy ýltradybystyq tekserý kezinde dárigerler onyń qursaǵynda eki sábi bar ekenin aitqan.
«Birinshi ÝDZ-ge barǵanda dárigerler “egiz” dep aitty. Qursaǵyma eki sábi bitken eken», – dep jazdy Erke Esmahan.
Keiin alǵashqy skrining barysynda dárigerler egizderdiń biriniń júrek soǵysy toqtaǵanyn, al ekinshisiniń qalypty damyp jatqanyn habarlaǵan. Ekinshi skriningte de tiri qalǵan náresteniń densaýlyǵy jaqsy ekeni anyqtalǵan.
«Ýaqyt óte kele birinshi skriningke barǵanda “egizderdiń biriniń júrek qaǵysy joq, ekinshisi jaqsy damyp jatyr” dedi dárigerler. Ekinshi skriningte de Batyrdyń deni saý, qalypty ósip jatqanyn bildik», – dep eske aldy ánshi.
Nátijesinde toǵyz aidan keiin Batyr dúniege kelgen. Erke Esmahan ulynyń búginde bir jasqa tolǵanyn aityp, onyń densaýlyǵy jaqsy ekenin jetkizdi.
«Batyr balamyz búgin 1-ge kelip, byldyrlap sóilep, shiqyldap kúlip, bizdi qýanyshqa bólep ósip kele jatyr. Deni sap-saý, Allaǵa sansyz shúkir», – dep jazdy ol.
Óner iesi júktilik kezeńiniń jeńil ótkenin de atap ótti. Onyń sózinshe, Batyr 3 keli 800 gramm salmaqpen dúniege kelgen. Oqyrmandar eko arqyly sábi kótergenin boljaǵanda, ánshi muny joqqa shyǵaryp "Eko emes, Raim sdelal" dep jaýap bergen.
Eske salaiyq, Erke Esmahan men RaiM juby uldaryna Batyr esimin qoiǵan. Ánshi buǵan deiin úshinshi sábii dúniege kelgenin áleýmettik jeli arqyly habarlaǵan bolatyn.
