Dárigerler Almatyda kólik qaǵyp ketken jaiaý júrginshilerdiń jaǵdaiy týraly aitty, dep habarlaidy "Ult aqparat".
«Zardap shekken adamdar túrli dene jaraqatyn jáne travmatikalyq shok alǵan. Ekeýi oblystyq statsionarǵa jetkizildi, al taǵy bir adam №7 qalalyq klinikalyq aýrýhanaǵa jatqyzyldy. Onyń qolynyń bilek tusy synyp, jabyq bas súiek-mi zaqymyn aldy. Statsionarlyq em-dom alyp jatyr, jaǵdaiy aýyr», - delingen Almaty qoǵamdyq densaýlyq basqarmasynyń málimetinde.
Eske salaiyq, buǵan deiin Almatyda alkogol men esirtki qoldanǵan 1997 jylǵy júrgizýshiniń avtobýs aialdamasynda úsh jaiaý júrginshini qaǵyp ketkeni habarlanǵan.
