Belgili ánshi Baljan Bidash Ystambulda ota jasatty. Ol bul týraly Instagram-paraqshasynda jazdy, - dep habarlaidy Massaget.kz.
Ol qulaǵyna ne bolǵanyn túsindirip berdi.
"Bir kúni qulaǵym qatty aýyrdy. Dáriger "tezirek birdeme jasańyz" dep jylap bardym. Qulaǵymnyń perdesi (barabannaia pereponka) buryn jarylyp ketken eken. Ony bilmei ýaqyt ótkizip júrip, onyń ústine, qulaǵyma sý kirgize bergenmin. Mundai jaǵdaida sý tigizýge bolmaidy. Meniki sol sýǵa túsip shyqqan soń qatty aýyryp, belgi berdi. Sol aýyrǵany áli esimnen ketpeidi. Dáriger otamen qulaq perdesin biteý keregin aitty. Ýaqyt óte kele estý qabiletim de tómendep ketti. Qulaqtyń perdesi tesik bolsa, ony bitetpeseńiz, ishine shań-tozań, infektsiia kirip, miǵa barýy múmkin! Ýaqyt óte qulaǵyńyz estimei qalýy múmkin", - deidi ánshi.
Ánshiniń murnyna bailanysty da problema bolypty. Sóitip, Ystambuldyń dárigerlerine qaralypty.
"Allergozolsyz ómir súre almai kettim. Allergiianyń belgisi bolmasa da murnym bitelip, janymda 24 saǵat júretin sprei qutqaratyn. Túnde demala almai shoshyp oianyp, sprei joq bolsa tún ortasynda dárihanaǵa barýǵa týra keletin. Spreidi seýip, seýip, murnym qyzyp ketetin. Tanys jaǵdai ma? Dárigerdiń aitqany "seniki spreige táýeldilik, 3 kún qinalsań da sprei seppei júrseń, ári qarai basylyp, sprei shashýdy umytasyń" dedi. Shydadym. 3 kún spreisiz 3 aiǵa bardy. Iá, basyldy, qoidy. Biraq qaita bastaldy. Neshe túrli emderdi kórdim. Bolmady. Ystambulǵa kelip qaralǵanda, "ishine et ósken, lazermen kishireitý kerek, sol kezde spreidi umytasyz" dedi. ...Densaýlyqtaryńyzdy kútińizder! Qazir qulaǵymnyń estýi jaqsardy, murnymmen tereń demalatyn boldym", - dedi Baljan Bidash.
