بەلگٸلٸ ەنشٸ بالجان بيداش ىستامبۇلدا وتا جاساتتى. ول بۇل تۋرالى Instagram-پاراقشاسىندا جازدى, - دەپ حابارلايدى Massaget.kz.
ول قۇلاعىنا نە بولعانىن تٷسٸندٸرٸپ بەردٸ.
"بٸر كٷنٸ قۇلاعىم قاتتى اۋىردى. دەرٸگەر "تەزٸرەك بٸردەمە جاساڭىز" دەپ جىلاپ باردىم. قۇلاعىمنىڭ پەردەسٸ (باراباننايا پەرەپونكا) بۇرىن جارىلىپ كەتكەن ەكەن. ونى بٸلمەي ۋاقىت ٶتكٸزٸپ جٷرٸپ, ونىڭ ٷستٸنە, قۇلاعىما سۋ كٸرگٸزە بەرگەنمٸن. مۇنداي جاعدايدا سۋ تيگٸزۋگە بولمايدى. مەنٸكٸ سول سۋعا تٷسٸپ شىققان سوڭ قاتتى اۋىرىپ, بەلگٸ بەردٸ. سول اۋىرعانى ەلٸ ەسٸمنەن كەتپەيدٸ. دەرٸگەر وتامەن قۇلاق پەردەسٸن بٸتەۋ كەرەگٸن ايتتى. ۋاقىت ٶتە كەلە ەستۋ قابٸلەتٸم دە تٶمەندەپ كەتتٸ. قۇلاقتىڭ پەردەسٸ تەسٸك بولسا, ونى بٸتەتپەسەڭٸز, ٸشٸنە شاڭ-توزاڭ, ينفەكتسييا كٸرٸپ, ميعا بارۋى مٷمكٸن! ۋاقىت ٶتە قۇلاعىڭىز ەستٸمەي قالۋى مٷمكٸن", - دەيدٸ ەنشٸ.
ەنشٸنٸڭ مۇرنىنا بايلانىستى دا پروبلەما بولىپتى. سٶيتٸپ, ىستامبۇلدىڭ دەرٸگەرلەرٸنە قارالىپتى.
"اللەرگوزولسىز ٶمٸر سٷرە الماي كەتتٸم. اللەرگييانىڭ بەلگٸسٸ بولماسا دا مۇرنىم بٸتەلٸپ, جانىمدا 24 ساعات جٷرەتٸن سپرەي قۇتقاراتىن. تٷندە دەمالا الماي شوشىپ ويانىپ, سپرەي جوق بولسا تٷن ورتاسىندا دەرٸحاناعا بارۋعا تۋرا كەلەتٸن. سپرەيدٸ سەۋٸپ, سەۋٸپ, مۇرنىم قىزىپ كەتەتٸن. تانىس جاعداي ما? دەرٸگەردٸڭ ايتقانى "سەنٸكٸ سپرەيگە تەۋەلدٸلٸك, 3 كٷن قينالساڭ دا سپرەي سەپپەي جٷرسەڭ, ەرٸ قاراي باسىلىپ, سپرەي شاشۋدى ۇمىتاسىڭ" دەدٸ. شىدادىم. 3 كٷن سپرەيسٸز 3 ايعا باردى. يە, باسىلدى, قويدى. بٸراق قايتا باستالدى. نەشە تٷرلٸ ەمدەردٸ كٶردٸم. بولمادى. ىستامبۇلعا كەلٸپ قارالعاندا, "ٸشٸنە ەت ٶسكەن, لازەرمەن كٸشٸرەيتۋ كەرەك, سول كەزدە سپرەيدٸ ۇمىتاسىز" دەدٸ. ...دەنساۋلىقتارىڭىزدى كٷتٸڭٸزدەر! قازٸر قۇلاعىمنىڭ ەستۋٸ جاقساردى, مۇرنىممەن تەرەڭ دەمالاتىن بولدىم", - دەدٸ بالجان بيداش.
