Almatyda qursaǵyndaǵy balasynyń júregi soqpai tur degendi estigen kelinshek dárigerge qol kóterdi, dep habarlaidy QazAqparat.
Almatydaǵy №7-shi qalalyq aýrýhanada shý shyǵaryp, dárigerge qol kótergen emdelýshige 25 myń teńge kóleminde aiyppul salyndy.
7-shi qalalyq aýrýhananyń ginekology Gúlmira Jamaevanyń aitýynsha, júkti kelinshek onyń kabinetine kirip, aqyly ÝDZ-ǵa túsken.
«Tekserilýge kelgen kelinshek oryndyqqa otyra salyp, telefon arqyly bireýmen qatty ursysty. Men odan tynyshtalýyn suradym. Sodan keiin ýltradybystyń nátijesin berýin ótindim. Ol maǵan jatyrdaǵy uryqtyń júrek soǵysy joq ekenin aitty. Ol ÝDZ júktiliktiń segizinshi aptasynda tústi. Negizi júrek soǵysy besinshi aptada seziledi. Men oǵan mundai jaǵdaida sharananyń ishte qatyp qalǵanyn, júrek soǵysy joqtyǵyn aittym», - deidi dáriger.
Muny estigen kelinshek, ashýǵa boi aldyryp, dárigerdiń ústelindegi kompiýterdi laqtyryp, dárigerge qol jumsaǵan. Sosyn tirkeý bólimindegi qyzmetkerge dóreki sóilep, betine túkirip jibergen.
Jumys ornynda bolǵan ginekolog naýqasty sotqa berdi. Sot oǵan dárigerdi qorlady jáne urdy dep aiyp taǵyp , 10 AEK aiyppul saldy.
«Sotta ol jylady, biraq menen keshirim suramady. Sot kelinshekti kináli dep tanyp, oǵan aiyppul saldy»,-deidi dáriger Gúlmira Jamaeva.
