الماتىدا قۇرساعىنداعى بالاسىنىڭ جٷرەگٸ سوقپاي تۇر دەگەندٸ ەستٸگەن كەلٸنشەك دەرٸگەرگە قول كٶتەردٸ, دەپ حابارلايدى قازاقپارات.
الماتىداعى №7-شٸ قالالىق اۋرۋحانادا شۋ شىعارىپ, دەرٸگەرگە قول كٶتەرگەن ەمدەلۋشٸگە 25 مىڭ تەڭگە كٶلەمٸندە ايىپپۇل سالىندى.
7-شٸ قالالىق اۋرۋحانانىڭ گينەكولوگى گٷلميرا جاماەۆانىڭ ايتۋىنشا, جٷكتٸ كەلٸنشەك ونىڭ كابينەتٸنە كٸرٸپ, اقىلى ۋدز-عا تٷسكەن.
«تەكسەرٸلۋگە كەلگەن كەلٸنشەك ورىندىققا وتىرا سالىپ, تەلەفون ارقىلى بٸرەۋمەن قاتتى ۇرسىستى. مەن ودان تىنىشتالۋىن سۇرادىم. سودان كەيٸن ۋلترادىبىستىڭ نەتيجەسٸن بەرۋٸن ٶتٸندٸم. ول ماعان جاتىرداعى ۇرىقتىڭ جٷرەك سوعىسى جوق ەكەنٸن ايتتى. ول ۋدز جٷكتٸلٸكتٸڭ سەگٸزٸنشٸ اپتاسىندا تٷستٸ. نەگٸزٸ جٷرەك سوعىسى بەسٸنشٸ اپتادا سەزٸلەدٸ. مەن وعان مۇنداي جاعدايدا شارانانىڭ ٸشتە قاتىپ قالعانىن, جٷرەك سوعىسى جوقتىعىن ايتتىم», - دەيدٸ دەرٸگەر.
مۇنى ەستٸگەن كەلٸنشەك, اشۋعا بوي الدىرىپ, دەرٸگەردٸڭ ٷستەلٸندەگٸ كومپيۋتەردٸ لاقتىرىپ, دەرٸگەرگە قول جۇمساعان. سوسىن تٸركەۋ بٶلٸمٸندەگٸ قىزمەتكەرگە دٶرەكٸ سٶيلەپ, بەتٸنە تٷكٸرٸپ جٸبەرگەن.
جۇمىس ورنىندا بولعان گينەكولوگ ناۋقاستى سوتقا بەردٸ. سوت وعان دەرٸگەردٸ قورلادى جەنە ۇردى دەپ ايىپ تاعىپ , 10 اەك ايىپپۇل سالدى.
«سوتتا ول جىلادى, بٸراق مەنەن كەشٸرٸم سۇرامادى. سوت كەلٸنشەكتٸ كٸنەلٸ دەپ تانىپ, وعان ايىپپۇل سالدى»,-دەيدٸ دەرٸگەر گٷلميرا جاماەۆا.
