Allergolog-immýnolog Rafail Rozenson koronavirýs infektsiiasynyń eki basty ereksheligin atady, dep habarlaidy QazAqparat.
«Bul virýstyń eki ereksheligi bar ekenin bilemiz. Negizgi qasietteri boiynsha adamnyń immýn tapshylyǵy virýsyna (AITV) óte uqsas. Birinshiden, ol AITV siiaqty limfotsitterdi zaqymdaidy. Ekinshiden, qannyń uiýyn belsendiredi. Sondyqtan qannyń uiýyna beiim adamdar – qarttar, júkti áielder jáne basqalar kóp zardap shegedi», - dedi allergolog.
Maman virýstyń egde adamdar úshin qaýipti ekenin rastady.
«Bul virýstyń ekinshi ereksheligi – epidemiologiialyq sipaty. Ol egde jastaǵy adamdardy, aǵzasy álsiz adamdardy, qant diabetimen aýyratyndardy, qaterli isik aýrýyna shaldyqqandardy tańdaidy. Bul eki erekshelik qorǵaýǵa muqtaj adamdardyń kontingenti kimder ekenin aityp tur», - dedi Rafail Rozenson.
