Ótken senbi, 23 maýsym kúni Almatyda Dariǵa Nazarbaevanyń jalǵyz qyzy Veneranyń uzatý toiy boldy, - dep habarlaidy Zakon.kz portalyna silteme jasaǵan NUR.KZ.
Venera elimizge tanymal Shaijúnisovter áýletiniń ókili Dalen Shaijúnisovke turmysqa shyqqan.
Dalen Shaijúnisov Almaty qalasynda týyp-ósip, ál-Farabi atyndaǵy Qazaq Ulttyq ýniversitetiniń Zań fakýltetin támamdaǵan.
Venera bolsa, qazirgi tańda qoǵamdyq kommýnikatsiia jáne óner salasynda bilim alýda. Sonymen birge, ol anasy Dariǵa Nazarbaeva uiymdastyryp júrgen qaiyrymdylyq sharalaryna jii qatysady.
Jas jubailardyń dostarynyń aitýynsha, Venera men Dalen eki jyl buryn tanysqan. Al olardy atastyrý rásimi osy jyldyń mamyr aiynda bolǵan.
Qos ǵashyqtyń toiy Almatydaǵy Ritz-Carlton qonaqúiiniń saltanatty zalynda ótken. Atalǵan sharaǵa eki otbasynyń eń jaqyn dostary men týystary ǵana shaqyrylǵan.
Toiǵa kelgen Veneranyń naǵashy atasy, elimizdiń prezidenti Nursultan Nazarbaev pen Qazaqstannyń birinshi hanymy olarǵa baqytty otbasylyq ómir tiledi.
Toida qazaqtyń barlyq salt-dástúri saqtalyp, ulttyq jón-joralǵylar oryndaldy.
Budan bólek bul qýanyshta qazaqy dastarhan jaiylǵan. Sonymen birge, kóbinese otandyq oryndaýshylardyń ánine basymdyq berilgen.
Jas jubailardyń jańa ómirge aiaq basýyna tilektestik bildirip, Dariǵa Nazarbaevanyń dosy ári seriktesi Filipp Kirkorov arnaiy kelipti. Ol jastarǵa arnap arnaiy shoý uiymdastyryp, kelgen qonaqtardyń kóńilin kótergen.
Aita ketý kerek, Dariǵa Nazarbaevanyń búginde jeti jasar Asyljan esimdi uly bar. Sonymen birge, onyń Sultan esimdi nemeresi de jetide.
