Senat depýtaty Dariǵa Nazarbaeva qazaqstandyq jýrnalisterdi is-sharalarǵa akkreditatsiialaý erejesine engiziletin ózgeristerge qatysty pikir bildirdi, dep habarlaidy Sputnik Qazaqstan.
Osyǵan deiin aqparat jáne kommýnikatsiialar ministrligi is-sharalarǵa jýrnalisterdi qatystyrý erejesin kúsheitýdi usynǵan bolatyn. Buǵan jýrnalister qarsylyq bildirip, miting ótkizýge ótinish bildirdi.
"Ol erejeni muqiiat qarap shyqtym. BAQ-taǵy barlyq media qaýymdastyq pen aqparat jáne kommýnikatsiialar ministrliginiń pikirin bildim. Osy ýaqyt ishinde bir-birimizben bailanysta boldyq. Keshe aqparat jáne kommýnikatsiialar ministri (Dáýren Abaev – agenttik eskert.) kásibi qaýymdastyqpen kelisim jasalǵan jaǵdaida ǵana tiisti buiryq shyǵarylatynyn aitty", - dedi depýtat.
Osy oraida Dariǵa Nazarbaev atalǵan máseleni talqylaý barysynda oń ózgerister baiqaǵanyn atap ótti.
"Men munda eki úlken "pliýsti" kórip turmyn. Birinshiden, atqarýshy biliktiń normativti-quqyqtyq aktileri jobasymen onlain rejimde tanysýǵa múmkindik týdy. Buǵan deiin mundai múmkindik bolmaǵan. Sonymen qatar men jýrnalisterdiń Aqparat jáne kommýnikatsiialar ministrliginiń ǵana emes, basqa da organdardyń normativti-quqyqtyq qujattaryn qaraǵanyn qalar edim", - dedi ol.
Onyń aitýynsha, parlamentte zańdar qabyldanǵan soń taraptar arasynda túsinispeýshilikter týyndap jatady.
"Ekinshiden, sizder atalǵan máseleni talqyǵa salyp, qarsylyq bildirip, óz oilaryńyzdy aitýǵa múmkindik aldyńyzdar. Meniń oiymsha, qazirgi tańda jýrnalisterdiń ǵimaratqa kirýi máselesinen basqa, negizgi daý týdyrǵan máseleler alynyp tastaldy. Bul ǵimarattaǵy jýrnalisterge arnalǵan orynnyń jetkiliksizdigimen bailanysty. Munda ministrliktiń óz dálelderi bar. Rasynda, men ázirge atalǵan máselege bailanysty redaktsiialardyń dálelderin estigen joqpyn. Meniń oiymsha, bul jerde de kelisimge kelýdiń jolyn (konsensýs) tabý kerek. Biraq men atalǵan aqparattyń qanshalyqty shyndyqqa janasatynyn bilmeimin. Bir redaktsiia bir sharaǵa 5 adam jiberýi múmkin be? Muny ázirge bilmeidi", - dep túiindedi sózin Dariǵa Nazarbaev.
Aita keteiik, Aqparat jáne kommýnitsaýiialar ministrligi 2013 jylǵy maýsymdaǵy "jýrnalisterdi akkreditatsiialaý qaǵidalaryn bekitý týraly" №138 buiryǵyna birqatar tolyqtyrý engizýdi qarastyryp otyr.
Jańa qujattyń jobasy boiynsha, is-sharadan habar daiyndaityn jýrnalist akkreditatsiia berýshi mekemege jeke bas kýáliginiń kóshirmesin tapsyryp, mekemeniń ishki tártibin saqtaýǵa jáne moderator belgilegen reglamenttiń saqtalýyna jazbasha kelisim berýi jáne jýrnalist pen BAQ arasyndaǵy kelisimsharttyq qarym-qatynastyń baryn rastaityn qujat kóshirmesin berýi mindetti.
Alaida jýrnaliste atalǵan qujattar tolyq bolmaǵan jaǵdaida nemese ótinishtiń mazmuny talaptarǵa sáikes kelmese, ári jiyn, otyrystar men basqa da is-sharalar ótetin ǵimaratta jýrnalisterdi ornalastyrý múmkindigi bolmaǵan jaǵdaida mekemeniń jýrnalisti tirkeýden bas tartýǵa quqyǵy bar.
