Ortalyq sailaý komissiiasynyń múshesi Shavhat Ótemisov "eks-depýtat Dariǵa Nazarbaeva aldaǵy prezidenttik sailaýǵa qatysa ala ma" degen suraqqa jaýap berdi, dep habarlaidy Sputnik Qazaqstan.
"Árine, qatysa alady. Nursultan Nazarbaev ta qatysa alady. Prezident kandidattaryna qoiylatyn talaptarǵa sai keletin kez kelgen adam óz kandidatýrasyn usyna alady", - dedi Ótemisov Májilis kýlýarynda jýrnalisterdiń suraǵyna jaýap berip.
Buǵan deiin ádilet vitse-ministri Alma Muqanova Tuńǵysh Prezident Nursultan Nazarbaev aldaǵy kezekten tys Prezident sailaýyna qatysa almaitynyn málimdegen edi. Aitýynsha, biyl jazda ótken referendýmnyń nátijesi boiynsha Nazarbaev mundai quqyqtan aiyrylǵan.
Eske salsaq, keshe Qazaqstan Prezidenti Qasym-Jomart Toqaev biyl kúzde kezekten tys Prezident sailaýy ótetinin jariialady. Memleket basshysy saiasi dodaǵa qatysýǵa daiyn ekenin málimdedi.
