Qazirgi tańda jýrnalistika kóp qyzyǵýshylyq tanytylatyn mamandyqtardyń biri. Mundai pikirdi «Jas qalam» forýmynyń ashylýynda QR Parlamenti Senatynyń depýtaty, QR Tuńǵysh Prezidenti qorynyń direktory Dariǵa Nazarbaeva bildirdi, dep habarlaidy QazAqparat tilshisi.
«Jyl saiyn Qazaqstan Respýblikasynyń Tuńǵysh Prezidenti - Elbasy qory men «Qazaqstan jastarynyń kongresi» jas qoǵam úshin mańyzdy jobalardy júzege asyryp keledi. Solardyń qatarynda búgingi zamanda ózekti máselelerdi aiqyndaityn «Jas qalam» jobasy bar. Bul jobanyń mańyzdylyǵy sapaly jáne shynaiy aqparattardy anyqtaýǵa, elimizdiń jas mamandarynyń turaqty qyzmetker áleýetin damytýǵa arnalǵan», - dep atap ótti Dariǵa Nazarbaeva.
Sonymen qatar ol qazirgi tańda jýrnalistikanyń jańa trendteri óte kóp ekendigin jáne osy jańalyqtardy jastarǵa tek kásibi, joǵary sanatty elimizdiń eń úzdik jýrnalisteri ǵana jetkize alatyndyǵyn basa aitty.
«Sondyqtan jas qalam joǵary oqý oryndarynda alynatyn bilimge qosa jýrnalistika salasyn is júzinde damytyp jatqan sheberlerdiń tájiribesinen úlgi alýǵa mol múmkindik beredi. Qazirgi tańda jýrnalistika kóp qyzyǵýshylyq tanytatyn mamandyqtardyń biri. Mańyzdy jańalyqtardy bilip qana qoimai qandai da bir mámileni ortaǵa salyp saraptaý, talqylaý jáne saraptama júrgizý arqyly ony halyqqa jetkizý osy mamandyqtyń ereksheligi», - dedi Senat deptýtaty.
Aita keteiik, qazaqstandyq jýrnalistikany damytýǵa jas jýrnalisterdiń kásibi biliktiligin arttyrýǵa baǵyttalǵan keń aýqymdy «Jas qalam» jobasyna 100-den astam jýrnalister qatysýda. Olardyń qatarynda jýrnalister, jýrnalistika fakýltetiniń stýdentteri, sondai-aq buqaralyq aqparat quraldaryna qyzyǵýshylyq tanytatyn jastar da bar.
