قازٸرگٸ تاڭدا جۋرناليستيكا كٶپ قىزىعۋشىلىق تانىتىلاتىن ماماندىقتاردىڭ بٸرٸ. مۇنداي پٸكٸردٸ «Jas qalam» فورۋمىنىڭ اشىلۋىندا قر پارلامەنتٸ سەناتىنىڭ دەپۋتاتى, قر تۇڭعىش پرەزيدەنتٸ قورىنىڭ ديرەكتورى داريعا نازارباەۆا بٸلدٸردٸ, دەپ حابارلايدى قازاقپارات تٸلشٸسٸ.
«جىل سايىن قازاقستان رەسپۋبليكاسىنىڭ تۇڭعىش پرەزيدەنتٸ - ەلباسى قورى مەن «قازاقستان جاستارىنىڭ كونگرەسٸ» جاس قوعام ٷشٸن ماڭىزدى جوبالاردى جٷزەگە اسىرىپ كەلەدٸ. سولاردىڭ قاتارىندا بٷگٸنگٸ زاماندا ٶزەكتٸ مەسەلەلەردٸ ايقىندايتىن «Jas qalam» جوباسى بار. بۇل جوبانىڭ ماڭىزدىلىعى ساپالى جەنە شىنايى اقپاراتتاردى انىقتاۋعا, ەلٸمٸزدٸڭ جاس ماماندارىنىڭ تۇراقتى قىزمەتكەر ەلەۋەتٸن دامىتۋعا ارنالعان», - دەپ اتاپ ٶتتٸ داريعا نازارباەۆا.
سونىمەن قاتار ول قازٸرگٸ تاڭدا جۋرناليستيكانىڭ جاڭا ترەندتەرٸ ٶتە كٶپ ەكەندٸگٸن جەنە وسى جاڭالىقتاردى جاستارعا تەك كەسٸبي, جوعارى ساناتتى ەلٸمٸزدٸڭ ەڭ ٷزدٸك جۋرناليستەرٸ عانا جەتكٸزە الاتىندىعىن باسا ايتتى.
«سوندىقتان جاس قالام جوعارى وقۋ ورىندارىندا الىناتىن بٸلٸمگە قوسا جۋرناليستيكا سالاسىن ٸس جٷزٸندە دامىتىپ جاتقان شەبەرلەردٸڭ تەجٸريبەسٸنەن ٷلگٸ الۋعا مول مٷمكٸندٸك بەرەدٸ. قازٸرگٸ تاڭدا جۋرناليستيكا كٶپ قىزىعۋشىلىق تانىتاتىن ماماندىقتاردىڭ بٸرٸ. ماڭىزدى جاڭالىقتاردى بٸلٸپ قانا قويماي قانداي دا بٸر مەمٸلەنٸ ورتاعا سالىپ ساراپتاۋ, تالقىلاۋ جەنە ساراپتاما جٷرگٸزۋ ارقىلى ونى حالىققا جەتكٸزۋ وسى ماماندىقتىڭ ەرەكشەلٸگٸ», - دەدٸ سەنات دەپتۋتاتى.
ايتا كەتەيٸك, قازاقستاندىق جۋرناليستيكانى دامىتۋعا جاس جۋرناليستەردٸڭ كەسٸبي بٸلٸكتٸلٸگٸن ارتتىرۋعا باعىتتالعان كەڭ اۋقىمدى «Jas qalam» جوباسىنا 100-دەن استام جۋرناليستەر قاتىسۋدا. ولاردىڭ قاتارىندا جۋرناليستەر, جۋرناليستيكا فاكۋلتەتٸنٸڭ ستۋدەنتتەرٸ, سونداي-اق بۇقارالىق اقپارات قۇرالدارىنا قىزىعۋشىلىق تانىتاتىن جاستار دا بار.
