Senat Tóraǵasy Dariǵa Nazarbaeva Batys Qazaqstan oblysyna jumys sapary barysynda Qazaqstan men Resei shekarasyndaǵy «Syrym» shekaralyq ótkizý beketinde bolyp, ondaǵy jańartylǵan infraqurylymmen tanysty, dep habarlaidy "Ult aqparat" joǵary palatanyń baspasóz qyzmetine silteme jasap.
Shekara beketi qyzmetkerleriniń málimetteri boiynsha, osy ýchaske arqyly ortasha eseppen myńnan astam avtomobil ótedi. Birneshe ai buryn shekara beketiniń múmkindigimen mundai kólemdegi kólik ótip úlgere almaǵan bolatyn, alys jolǵa taýar tasymaldaityn júk mashinalary keide táýlik boiy kezekte turýǵa májbúr bolyp, shubatylǵan keptelister týyndady. Qazirgi kezde bekettegi infraqurylym tolyǵymen jańartyldy, burynǵy eki jolaqqa qosymsha jabdyqtalǵan segiz tekserý jolaǵy qosyldy. Bul Qazaqstan men Resei shekarasyndaǵy osy ýchastokte keptelis máselesin sheshýge múmkindik berdi.
Sondai-aq Senat Tóraǵasy Oraldaǵy «Batys Qazaqstan mashina jasaý kompaniiasy» aktsionerlik qoǵamynda da boldy. Senatorlar Jaiyq ózeniniń jaǵasyna bolyp, onyń ekologiialyq jaǵdaiymen tanysty.
«Qazgidromettiń» málimetinshe, 2017 jyldan bastap ózendegi sý 30-40 paiyzǵa azaidy. Jergilikti turǵyndar sońǵy onjyldyqta ózen sý tasqyny kezeńinde de jaǵadan aspaitynyn aitýda. Sapar barysynda ózenniń keibir jerlerine ólshem jasalyp, sýdyń tereńdigi tek 50 sm ǵana bolatyny Senat Tóraǵasyna kórsetildi.
