سەنات تٶراعاسى داريعا نازارباەۆا باتىس قازاقستان وبلىسىنا جۇمىس ساپارى بارىسىندا قازاقستان مەن رەسەي شەكاراسىنداعى «سىرىم» شەكارالىق ٶتكٸزۋ بەكەتٸندە بولىپ, ونداعى جاڭارتىلعان ينفراقۇرىلىممەن تانىستى, دەپ حابارلايدى "ۇلت اقپارات" جوعارى پالاتانىڭ باسپاسٶز قىزمەتٸنە سٸلتەمە جاساپ.
شەكارا بەكەتٸ قىزمەتكەرلەرٸنٸڭ مەلٸمەتتەرٸ بويىنشا, وسى ۋچاسكە ارقىلى ورتاشا ەسەپپەن مىڭنان استام اۆتوموبيل ٶتەدٸ. بٸرنەشە اي بۇرىن شەكارا بەكەتٸنٸڭ مٷمكٸندٸگٸمەن مۇنداي كٶلەمدەگٸ كٶلٸك ٶتٸپ ٷلگەرە الماعان بولاتىن, الىس جولعا تاۋار تاسىمالدايتىن جٷك ماشينالارى كەيدە تەۋلٸك بويى كەزەكتە تۇرۋعا مەجبٷر بولىپ, شۇباتىلعان كەپتەلٸستەر تۋىندادى. قازٸرگٸ كەزدە بەكەتتەگٸ ينفراقۇرىلىم تولىعىمەن جاڭارتىلدى, بۇرىنعى ەكٸ جولاققا قوسىمشا جابدىقتالعان سەگٸز تەكسەرۋ جولاعى قوسىلدى. بۇل قازاقستان مەن رەسەي شەكاراسىنداعى وسى ۋچاستوكتە كەپتەلٸس مەسەلەسٸن شەشۋگە مٷمكٸندٸك بەردٸ.
سونداي-اق سەنات تٶراعاسى ورالداعى «باتىس قازاقستان ماشينا جاساۋ كومپانيياسى» اكتسيونەرلٸك قوعامىندا دا بولدى. سەناتورلار جايىق ٶزەنٸنٸڭ جاعاسىنا بولىپ, ونىڭ ەكولوگييالىق جاعدايىمەن تانىستى.
«قازگيدرومەتتٸڭ» مەلٸمەتٸنشە, 2017 جىلدان باستاپ ٶزەندەگٸ سۋ 30-40 پايىزعا ازايدى. جەرگٸلٸكتٸ تۇرعىندار سوڭعى ونجىلدىقتا ٶزەن سۋ تاسقىنى كەزەڭٸندە دە جاعادان اسپايتىنىن ايتۋدا. ساپار بارىسىندا ٶزەننٸڭ كەيبٸر جەرلەرٸنە ٶلشەم جاسالىپ, سۋدىڭ تەرەڭدٸگٸ تەك 50 سم عانا بولاتىنى سەنات تٶراعاسىنا كٶرسەتٸلدٸ.
