Senat depýtaty, Halyqaralyq qarym-qatynastar, qorǵanys jáne qaýipsizdik komitetiniń tóraiymy Dariǵa Nazarbaeva bet-álpetti tanýǵa kedergi keltiretin kiim-keshekke tyiym salýdy kózdeitin zań jobasyna qatysty pikirin bildirdi, dep habarlaidy Sputnik Qazaqstan tilshisi.
"Biz arab emes, qazaqpyz. Men osyny aitqym keledi… Kóbimiz qysqa shalbar kigen saqaldy adamdardy kórgende, olardy dástúrli emes dini aǵymdardyń ókilderi, keide tipti ekstremistik kózqarastaǵy adam dep qabyldaimyz. Jalpy, meniń pikirimshe, bizdiń zańnamamyz óte liberaldy. Barlyq dinge demokratiialyq kózqaraspen qaraimyz. Eshkimge qysym kórsetilmeidi. Eger dini kózqaras qoǵamdy damytýǵa baǵyttalyp, toleranttylyq pen beibitshilikti, tynyshtyqty nasihattasa, onda bul jaqsy emes pe?" — dedi Nazarbaeva senat kýlýarynda.
Aita ketsek, búgin senat depýtattary ekinshi oqylymda "QR keibir zańnamalyq aktilerine dini qyzmet jáne dini birlestikter máseleleri boiynsha ózgerister men tolyqtyrýlar engizý týraly" zań jobasyn májiliske keri qaitardy.
