Qazaqstan Parlamenti Senatynyń depýtaty Dariǵa Nazarbaeva áskeri-patriottyq jumystardy jetildirýge arnalǵan vedomstvoaralyq kezdesýde elordalyq oqýshylardyń suraqtaryna jaýap berdi, dep habarlaidy QazAqparat tilshisi.
«Áskerde boryshyn óteýden qashqaqtaityn jastarǵa kózqarasyńyz qandai?», - dep surady senatordan astanalyq mektep-gimnaziialardyń biriniń oqýshysy.
«Meniń oiymsha, áskerde boryshyn óteýden qashatyndar kóp nárseni joǵaltady. Fizikalyq daiyndyq, shynyǵý múmkindikterinen aiyrylady, kóptegen qasietterin joǵaltady. Mundai jastarmen jumys istegim keledi, olar áskeri qyzmettiń búginde qandai artyqshylyqtary bar ekenin bilýi tiis», - dedi D.Nazarbaeva.
Taǵy bir oqýshy D.Nazarbaevanyń balalyq shaǵyndaǵy súiikti merekeleri jóninde suraq qoidy. Oǵan depýtat Jańa jyl jáne 1 mamyr dep jaýap berdi.
