Senat tóraǵasy Dariǵa Nazarbaeva Armeniianyń Prezidenti Armen Sarkisianmen kezdesti. Bul týraly "Ult aqparat" Senattyń baspasóz qyzmetine silteme jasap habarlaidy.
Kezdesý Dariǵa Nazarbaevanyń Armeniiaǵa resmi sapary aiasynda ótti.
Áńgime barysynda týrizmdi, aqparattyq tehnologiialardy, kólik-logistika áleýeti jáne basqa da salalardaǵy yntymaqtastyq máseleleri qozǵaldy.
Senat tóraǵasy EAEO elderi kásipkerleri men investorlarynyń Qytai men Ońtústik-Shyǵys Aziia naryǵyna ashylatyn múmkindikterine erekshe nazar aýdara kelip, armian kásipkerlerin «Astana» halyqaralyq qarjy ortalyǵy men IT-startaptardyń «Astana Hub» halyqaralyq tehnoparkiniń jumysyna shaqyrdy.
Prezident Armen Sarkisian óz kezeginde Senat tóraǵasynyń eki el kásipkerleriniń ózara is-qimylyn keńeitý jónindegi usynysyna qoldaý bildirdi jáne búgingi tańda Qazaqstan men Armeniia yntymaqtastyq áleýeti tolyq kólemde paidalanbai kele jatqanyna toqtaldy. Prezidenttiń aitýynsha, kem degende áriptestiktiń birneshe baǵytyna serpin berýge múmkindik bar. Ol tamaq qaýipsizdigin (tamaq ónimderin óńdeý jáne tasymaldaý), qarjyny basqarý jáne birlesken mádeni sharalardy qamtidy.
Taraptar Qazaqstan men Armeniia arasyndaǵy yntymaqtastyqtyń keleshegi zor baǵyttary boiynsha birlesken jumys toptaryn qurýǵa ýaǵdalasty.
