Densaýlyq saqtaý ministrligi juqpaly aýrýlardyń joǵarylaityn tótenshe jaǵdai kezinde shekti baǵany belgileýdiń arnaiy tártibin belgiledi. QR Densaýlyq saqtaý ministrligi Farmatsevtikalyq saiasat departamenti direktorynyń mindetin atqarýshy Botagóz Syzdyqovanyń aitýynsha, shekti baǵany tómendetý úshin marketingtik shyǵyndar alynyp tastaldy, sondai-aq kóterme jáne bólshek saýda baǵalary da azaityldy, dep habarlaidy QazAqparat.
«Ministrlik qabyldaǵan sheshimder, eń aldymen, bizdiń azamattarymyzdyń múddelerin qorǵaýǵa, olardy dárihanalardaǵy baǵanyń negizsiz ósýinen qorǵaýǵa baǵyttalǵan. Kez kelgen tekserý, onyń ishinde baǵa shekteýlerin saqtaýǵa qatysty tekserý dárihanalarǵa ǵana emes, óndirýshiler men kóterme baǵamen satýshylarǵa da qatysty. Sonymen qatar, ár naqty jaǵdaida, naqty saýda ataýy jáne ár shekti baǵa úshin Densaýlyq saqtaý ministrligi dialogqa daiyn. Bul sheshim naýqastardyń quqyǵyn qorǵaý maqsatynda qabyldandy. Koronavirýs infektsiiasynyń órshý kezeńiniń jazǵy kezeńinde dárihanalarda dári-dármekter baǵalarynyń joǵarylaýy faktileri oryn aldy. Júrgizilgen tekserýler nátijesinde keibir jaǵdailarda baǵany negizsiz kóterý faktileri rastaldy. Tiisti tergeý jumystary júrgizilip, ákimshilik sharalar qoldanyldy. Densaýlyq saqtaý ministrligi tótenshe jaǵdailar kezinde juqpaly aýrýlardyń kóbeiip ketý jaǵdaiynda baǵa shekterin belgileýdiń arnaiy tártibin belgiledi», - deidi Botagóz Syzdyqova.
Onyń aitýynsha, shekti baǵany tómendetý úshin marketingtik shyǵyndar alynyp tastaldy, sondai-aq kóterme jáne bólshek saýda baǵalary da azaityldy.
«Men áriptesterimniń ne úshin alańdaitynyn túsinemin. Tekserý kezinde ár jaǵdaida qatysty jeke tásil qoldanylady. Tekserýler dárihana uiymdaryna ǵana júrgizilmeidi. Kóterme baǵany qaita tirkeýdi júzege asyrǵan kezde shekti baǵany belgileý qaǵidattaryna sai áreket etý birinshi kezekte óndirýshilerden jáne distribiýtorlardan da talap etiledi», - deidi ol.
Sondai-aq, ol koronavirýspen aýyrǵan naýqastarǵa tegin dári-dármek qarastyrylǵanyn aitty.
«Koronavirýs infektsiiasymen aýyratyn naýqastar tegin dári-dármekpen qamtamasyz etiletinin aitqym keledi. Aýyryp qalǵan jaǵdaida tirkelgen emhanaǵa júginýińiz kerek, ol jerde sizdi emdeitin dáriger qajetti dári-dármekterdi jazyp beredi. Dáriger kóbinese dene qyzýyn túsiretin dárilerdi jazyp beredi, al qan qysymy joǵary, qant diabeti, demikpe siiaqty sozylmaly aýrýlary bar adamdar men aiaǵy aýyr áielderge aýrýdyń asqynýyn tejeitin basqa da dáriler jazyp beredi», - deidi QR Densaýlyq saqtaý ministrligi Farmatsevtikalyq saiasat departamenti direktorynyń mindetin atqarýshy.
Sonymen qatar, koronavirýs infektsiiasyna bakteriialyq infektsiia qosylsa, pnevmoniiany emdeýge arnalǵan dári-dármek pen antibiotikter tegin beriledi. Naýqastyń jaǵdaiy nasharlai tússe, kúndizgi statsionarǵa jatqyzý nemese statsionarlyq em qabyldaý siiaqty meditsinalyq kómek túri usynylady.
«SK-Farmatsiia» JShS 44 taýardyń qoryn satyp aldy. Bul dál qazir satyp alynatyn jáne aimaqtyq qoimalarda, sondai-aq meditsinalyq uiymdarda bar antibiotikter, antikoagýlianttar, steroidty emes gormondar. Kólemi jetkilikti. Sonymen qatar, dárihanalardaǵy dári-dármek qory azaiyp ketse nemese keibir dári-dármekter bolmai qalsa - aimaqtarda jergilikti biýdjet esebinen turaqtandyrý qorlary quryldy», - deidi Botagóz Syzdyqova.
Ol shekti baǵalary tómendetilgen dári-dármekter koronavirýs infektsiiasyn emdeýge arnalǵan dári-dármekter ekenin aitty. Olardyń shekti baǵasyn Densaýlyq saqtaý ministrligi koronavirýsty emdeýdiń klinikalyq qaýlysy negizinde bekitken.
«Osy tizimge koronavirýstyq infektsiiany emdeýge qatysy joq dári-dármekterdi engizý týraly aitatyn bolsam, qazirgi ýaqytta Densaýlyq saqtaý ministrliginde kóterme jáne bólshek saýdada baǵalardyń jańa shegin belgileýge qatysty joba bar, onda osy dári-dármekterge de qatysty shekti baǵa belgilenedi», - dedi ol.
