Foto: ashyq derekkóz
QR Densaýlyq saqtaý ministrligi Azamattarǵa dári-dármektiń shekti bólshek saýda baǵasyn baqylaý úshin Dari.kz mobildik qosymshasyn paidalanýdy usynady.
Bul ómirlik mańyzdy dári-dármekterge baǵa belgileýdiń qoljetimdiligi men ádildigin qamtamasyz etýge múmkindik beredi.
Dari.kz qalai jumys isteidi?
Dari.kz qosymshasynyń kómegimen paidalanýshylar baǵa saiasatynyń buzylýy týraly ońai jáne jyldam habarlai alady. Bul úshin kelesiler jetkilikti:
- 1. Dári-dármektiń túbirtegi men qaptamasynyń sýretin júkteńiz.
- 2. Densaýlyq saqtaý ministrligi Meditsinalyq jáne farmatsevtikalyq baqylaý komitetiniń aýmaqtyq departamentterine avtomatty túrde jiberiletin ótinish jiberińiz.
Qosymsha sonymen qatar dári-dármekterdi qoldanǵannan keiin paida bolǵan janama áserler týraly habarlaýǵa múmkindik beredi. Bul dári-dármekterdiń sapasyn baqylaýdy jaqsartýǵa kómektesedi.
Densaýlyq saqtaý ministrligi belgilengen shekti bólshek saýda baǵasynan asyp ketkeni úshin aiyppuldar kózdelgenin eske salady. «Ákimshilik quqyq buzýshylyq týraly» Qazaqstan Respýblikasynyń Kodeksi 426-babynyń 1-bóligine sáikes mynadai aiyppuldar kózdelgen:
- • Jeke tulǵalar: 70 AEK.
- • Laýazymdy tulǵalar: 100 AEK.
- • Shaǵyn kásipkerlik sýbektileri: 130 AEK.
- • Orta kásipkerlik sýbektileri: 200 AEK.
- • Iri kásipkerlik sýbektileri: 1000 AEK.
Dari.kz qosymshany App Store jáne Google Play qosymshalarynan tegin júktep alýǵa bolady.
